Bæjarráð

Lögð fram fundargerð viðtalstíma bæjarfulltrúa dags. 11. október 2012. Fundargerðin er í 18 liðum.

Lagðar fram til kynningar ályktanir aðalfundar Eyþings sem haldinn var á Dalvík dagana 5. og 6. október 2012.

Erindi dags. 10. október 2012 frá Páli Guðjónssyni, framkvæmdastjóra og Ragnhildi Ágústsdóttur, ráðgjafa Expectus f.h. samtaka sveitarfélaga á höfuðborgarsvæðinu þar sem fram kemur að samtökin hafi ákveðið að ráðast í gerð sameiginlegrar sóknaráætlunar fyrir höfuðborgarsvæðið. Sóknaráætlunin mun m.a. ná yfir svæðisskipulag, atvinnumál og þjónustu. Verkefnið er hluti af stefnumörkuninni Ísland 2020 og er liður í þeirri stefnu stjórnvalda að færa forgangsröðun verkefna á hverju svæði fyrir sig yfir á vettvang sveitarstjórna, fulltrúa atvinnulífsins og stofnana. Markmið verkefnisins er að skilgreina stöðu, styrkleika og sóknarfæri á höfuðborgarsvæðinu og hvernig sveitarfélög geta stuðlað að aukinni samkeppnishæfni og uppbyggingu. Til að vera sveitarfélögum til ráðuneytis um þessi mál verður skipað ráðgjafaráð. Óskað er eftir tilnefningu á einum karli og einni konu í ráðgjafaráðið.

Lagt fram til kynningar minnisblað dags. 9. október 2012 frá Guðrúnu Sigurðardóttur framkvæmdastjóra fjölskyldudeildar og Dan Jens Brynjarssyni fjármálastjóra vegna eftirfarandi fyrirspurnar Guðmundar Baldvins Guðmundssonar B-lista í bæjarráði 4. október sl., 12. lið a):
Guðmundur Baldvin Guðmundsson B-lista óskaði eftirfarandi bókunar:
Í framhaldi af umræðum á nýafstaðinni fjármálaráðstefnu sveitarfélaga um tengsl fjárhagsaðstoðar sveitarfélaga og fyrirhugaðra breytinga á reglugerð um atvinnuleysisbætur, þar sem gert er ráð fyrir að hámarkslengd atvinnuleysisbóta verði færð niður í þrjú ár, óska ég eftir að gerð verði úttekt á hvaða áhrif fyrirhuguð breyting kemur til með að hafa á fjárhagsaðstoð Akureyrarbæjar.

Tekin fyrir breyting á reglum um nefndarlaun, áður á dagskrá bæjarráðs 13. og 20. september sl.

Rætt um stöðu mála.

Lögð fram gjaldskrá fyrir Hlíðarfjall.

Unnið að gerð fjárhagsáætlunar.

Rætt um réttindi og skyldur embættismanna.