Bæjarráð

Bæjarráð - Fundargerð
3227. fundur
3. júní 2010   kl. 09:00 - 09:43
Bæjarstjórnarsalur á 4. hæð í Ráðhúsi

---

Nefndarmenn		Starfsmenn
	Sigrún Stefánsdóttir varaformaður Elín Margrét Hallgrímsdóttir Ólafur Jónsson Baldvin Halldór Sigurðsson Oddur Helgi Halldórsson Gerður Jónsdóttir áheyrnarfulltrúi		Hermann Jón Tómasson Karl Guðmundsson Halla M. Tryggvadóttir Heiða Karlsdóttir fundarritari

---

1.          Atvinnuátaksverkefni fyrir námsmenn og atvinnuleitendur í samvinnu við Vinnumálastofnun sumarið 2010
2010050002
Kynnt niðurstaða umsókna Akureyrarbæjar til Vinnumálastofnunar um 31 átaksverkefni,  alls u.þ.b. 150 störf  fyrir námsmenn og atvinnuleitendur sumarið 2010. Lögð fram tillaga að ráðstöfun heimilda til ráðningar námsmanna og atvinnuleitenda.
Bæjarráð samþykkir að taka þátt í átaksverkefninu.


2.          Atvinnuátak 17-25 ára skólafólks - sumarið 2010
2010030044
Kynnt niðurstaða um fjölda umsókna í auglýstu atvinnuátaki Akureyrarbæjar fyrir 17-25 ára skólafólk án atvinnu í sumar.  Lögð fram tillaga að endurskoðun fjárhagsáætlunar í ljósi niðurstöðu.
Lagt fram minnisblað dags. 3. júní 2010 frá starfsmannastjóra, Höllu Margréti Tryggvadóttur.
Bæjarráð samþykkir viðbótarfjárheimild að upphæð 7 milljónir króna vegna átaks fyrir 17-25 ára skólafólk þannig að hægt verði að koma til móts við alla umsækjendur. Kostnaði er vísað til endurskoðunar fjárhagsáætlunar.


3.          Atvinnumál - umræður
2009010238
Lagt fram til kynningar minnisblað dags. 2. júní 2010 frá Þórgný Dýrfjörð framkvæmdastjóra Akureyrarstofu og Maríu Helenu Tryggvadóttur verkefnisstjóra ferða- og atvinnumála, um atvinnuátaksverkefni í umsjón Akureyrarstofu 2009 og 2010.  Á minnisblaðinu kemur fram yfirlit um fjölda einstaklinga og ársverk á árunum 2009 og 2010.  
Vinnumálastofnun greiðir atvinnuleysisbætur upp í launakostnað en Akureyrarbær greiðir einstaklingunum laun skv. kjarasamningi.


4.          Atvinnuátak
2010050019
Lagt fram minnisblað dags. 31. maí 2010 frá Höllu Margréti Tryggvadóttur starfsmannastjóra til kynningar á átaksverkefni við viðhald, stígagerð og fleira. Lagt er til að 10 milljónum króna af áður samþykktri 50 milljón króna viðbótarfjárveitingu til viðhaldsverkefna verði ráðstafað til þessa átaksverkefnis.
Jafnframt lagt fram minnisblað dags. 1. júní 2010 frá Helga Má Pálssyni deildarstjóra framkvæmdadeildar og Guðríði Friðriksdóttur framkvæmdastjóra Fasteigna Akureyrarbæjar varðandi viðhaldsverkefni.
Bæjarráð samþykkir að 10 milljónum króna af áður samþykktri 50 milljón króna fjárveitingu til sérstakra viðhaldsverkefna verði ráðstafað til þessa verkefnis.


5.          Endurfjármögnun lána frá NIB
2009030088
Lagt fram til kynningar bréf dags. 2. júní 2010 frá Franz Árnasyni forstjóra Norðurorku hf þar sem því er komið á framfæri að Norðurorka hf þarf ekki að nýta sér þær ábyrgðir sem Akureyrarbær var tilbúinn til að gangast í vegna samninga við NIB eins og fram kemur í bókun bæjarráðs frá 2. apríl og 19. nóvember 2009.
Norðurorka hf vill einnig koma á framfæri þakklæti til yfirstjórnar Akureyrarbæjar fyrir stuðning við félagið á erfiðleikatímum.

Í lok fundar þakkaði varaformaður bæjarráðsmönnum og starfsfólki samstarfið á kjörtímabilinu.



Fundi slitið.