Bæjarráð

3216. fundur 11. mars 2010
Bæjarráð - Fundargerð
3216. fundur
11. mars 2010   kl. 09:00 - 10:43
Bæjarstjórnarsalur á 4. hæð í Ráðhúsi


Nefndarmenn Starfsmenn
Sigrún Stefánsdóttir varaformaður
Elín Margrét Hallgrímsdóttir
Hjalti Jón Sveinsson
Baldvin Halldór Sigurðsson
Oddur Helgi Halldórsson
Jóhannes Gunnar Bjarnason áheyrnarfulltrúi
Hermann Jón Tómasson
Karl Guðmundsson
Dan Jens Brynjarsson
Jón Bragi Gunnarsson
Heiða Karlsdóttir fundarritari




1.          Atvinnuátak 17-25 ára skólafólks - sumarið 2010
2010030044
Farið yfir hugmyndir að fyrirkomulagi sumarið 2010.
Bæjarráð felur Höllu Margréti Tryggvadóttur starfsmannastjóra að vinna áfram að undirbúningi málsins á grundvelli þeirra tillagna sem voru kynntar á fundinum.


2.          Almannaheillanefnd
2008100088
Lögð fram til kynningar fundargerð almannaheillanefndar dags. 5. mars 2010.


3.          Globodent - aðalfundur 2010
2010030041
Erindi dags. 1. mars 2010 frá stjórn Globodent á Íslandi ehf þar sem boðað er til aðalfundar þriðjudaginn 16. mars 2010 á Hótel Kea á Akureyri og hefst hann kl. 10:00.
Bæjarráð felur bæjarstjóra að fara með umboð Akureyrarbæjar á fundinum.


4.          Norðurorka hf - aðalfundur 2010
2010030042
Erindi dags. 2. mars 2010 frá Franz Árnasyni forstjóra Norðurorku hf þar sem boðað er til aðalfundar fyrirtækisins 9. apríl nk. kl. 16:00.
Bæjarráð felur bæjarstjóra að fara með umboð Akureyrarbæjar á fundinum.


5.          Afgeiðslur fjármálastjóra
2010030045
Lagt fram til kynningar minnisblað dags. 9. mars 2010  um afgreiðslur fjármálastjóra í umboði bæjarstjórnar á árinu 2009.


6.          Laun stjórnenda hjá Akureyrarbæ
2010030046
Rætt um laun stjórnenda hjá Akureyrarbæ.  Til kynningar.


7.          Íþróttahöllin - nýting á kjallara
2010030009
2. liður í fundargerð íþróttaráðs dags. 4. mars 2010:
Lagðar fram tillögur um nýtingu á kjallara Íþróttahallarinnar á Akureyri.
Íþróttaráð samþykkir að Golfklúbbi Akureyrar og Skotfélagi Akureyrar verði gert kleift að færa inniaðstöðu sína í kjallara Íþróttahallarinnar og leggur til við bæjarráð að leigu vegna þessa verði bætt við fjárhagsramma íþróttadeildar.
Bæjarráð frestar afgreiðslu.


8.          Nýsköpunarsjóður námsmanna - styrkbeiðni 2010
2010030027
Erindi dags. 26. febrúar 2010 frá Guðnýju Hallgrímsdóttur f.h. Nýsköpunarsjóðs námsmanna þar sem óskað er eftir að Akureyrarbær styrki sjóðinn um kr. 1.000.000.
Bæjarráð getur ekki orðið við erindinu.


9.          Hús skáldanna - Davíðshús og Sigurhæðir - gjaldskrá 2010
2010020086
3. liður í fundargerð stjórnar Akureyrarstofu dags. 3. mars 2010:
Lögð fram tillaga frá forstöðumanni Menningarmiðstöðvarinnar í Listagili um breytingar á gjaldskránni frá því sem ákveðið var í tengslum við fjárhagsáætlunargerð fyrir árið 2010.
Stjórn Akureyrarstofu samþykkir tillöguna, en þó með þeirri breytingu að gjöld fyrir misserisnot í Sigurhæðum verði kr. 15.000.
Bæjarráð vísar tillögunni til afgreiðslu bæjarstjórnar.


10.          Góðvinir Háskólans á Akureyri - skipan í fulltrúaráð
2010030054
Tölvupóstur dags. 9. mars 2010 frá Dagmar Ýr Stefánsdóttur forstöðumanni markaðs- og kynningarsviðs Háskólans á Akureyri þar sem hún kynnir að nú standi yfir endurskipulagning á félaginu Góðvinir Háskólans á Akureyri og að markmiðið sé að auka vægi þess innan háskólasamfélagsins og út á við og gera það virkara en verið hefur. Hún óskar eftir að Akureyrarbær skipi einn fulltrúa í fulltrúaráð Góðvina Háskólans á Akureyri.
Bæjarráð skipar bæjarstjóra í fulltrúaráð Góðvina Háskólans á Akureyri.



Fundi slitið.