Bæjarráð

3195. fundur 29. september 2009
Bæjarráð - Fundargerð
3195. fundur
29. september 2009   kl. 08:15 - 09:11
Bæjarstjórnarsalur á 4. hæð í Ráðhúsi


Nefndarmenn Starfsmenn
Sigrún Björk Jakobsdóttir formaður
Elín Margrét Hallgrímsdóttir
Sigrún Stefánsdóttir
Baldvin Halldór Sigurðsson
Víðir Benediktsson
Jóhannes Gunnar Bjarnason áheyrnarfulltrúi
Hermann Jón Tómasson
Dan Jens Brynjarsson
Jón Bragi Gunnarsson
Heiða Karlsdóttir fundarritari




1.          Sameining Grímseyjarhrepps og Akureyrarkaupstaðar
2007110066
Lögð fram tillaga og minnisblað dags. 24. september 2009 varðandi málefni Grímseyjar eftir sameiningu.
Í samræmi við tillögur samstarfsnefndar um sameiningu Akureyrarkaupstaðar og Grímseyjarhrepps, sem lagðar voru fram fyrir kosningar um sameiningu sveitarfélaganna, staðfestir bæjarráð svohljóðandi tilhögun varðandi yfirstjórn hins sameinaða sveitarfélags:
"Núverandi bæjarstjórn Akureyrarkaupstaðar mun hafa með höndum stjórn hins sameinaða sveitarfélags til sveitarstjórnarkosninga árið 2010 og fer því með alla sveitarstjórn í Grímsey. Fagnefndir Akureyrarkaupstaðar fara hver á sínu sviði með málefni sem varða Grímsey og undir þær heyra. Hreppsnefnd Grímseyjarhrepps verður samráðsnefnd fram að sveitarstjórnarkosningum 2010. Samráðsnefnd hefur það hlutverk að vera tengiliður fagnefnda og íbúa Grímseyjar og hefur rétt til að skipa einn áheyrnarfulltrúa úr nefndinni til setu á fundum fagnefnda, með málfrelsi og tillögurétt, þegar málefni eyjarinnar eru til umfjöllunar."
Greiðslur til samráðsnefndar verði í samræmi við reglur Akureyrarbæjar um nefndarlaun.
Bæjarráð samþykkir að formaður samráðsnefndar taki að sér hlutverk tengiliðar í Grímsey vegna þjónustu, viðhalds og framkvæmda.  Bæjarstjóra er falið að gera samning við hann vegna þessara verkefna.
Eftir næstu sveitarstjórnarkosningar verði kosið sérstakt hverfisráð í Grímsey.

Bæjarstjóri upplýsti að Sigríður Stefánsdóttir verkefnastjóri muni hafa yfirumsjón með verkefnum sem tengjast sameiningu sveitarfélaganna næstu 2 árin,  fylgja þeim eftir og vera tengiliður við samráðsnefnd/hverfisráð eyjunnar.


2.          Fjárhagsáætlun Akureyrarbæjar 2009 - endurskoðun
2008050088
Unnið að endurskoðun fjárhagsáætlunar Akureyrarbæjar vegna ársins 2009.
Bæjarráð vísar endurskoðun fjárhagsáætlunar 2009 til afgreiðslu bæjarstjórnar.



Fundi slitið.