Bæjarráð

3290. fundur 29. september 2011 kl. 09:00 - 10:40 Bæjarstjórnarsalur á 4. hæð í Ráðhúsi
Nefndarmenn
  • Geir Kristinn Aðalsteinsson varaformaður
  • Halla Björk Reynisdóttir
  • Tryggvi Þór Gunnarsson
  • Hermann Jón Tómasson
  • Ólafur Jónsson
  • Andrea Sigrún Hjálmsdóttir áheyrnarfulltrúi
  • Petrea Ósk Sigurðardóttir áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Rekstur - staða mála - embættismenn

2011050032

Soffía Lárusdóttir framkvæmdastjóri búsetudeildar og Guðrún Sigurðardóttir framkvæmdastjóri fjölskyldudeildar mættu á fund bæjarráðs og fóru yfir rekstrarstöðu sinna deilda.

Bæjarráð þakkar þeim Soffíu og Guðrúnu fyrir yfirferðina.

2.Fjármál sveitarfélaga

2011090107

Lagt fram til kynningar erindi dags. 21. september 2011 frá Eftirlitsnefnd með fjármálum sveitarfélaga þar sem fram kemur að það sé vilji nefndarinnar að halda áfram samskiptum sínum við kjörna fulltrúa í sveitarstjórnum með það að markmiði að auka upplýsingar, auðvelda samanburð á rekstrarlegum og fjárhagslegum stærðum milli sveitarfélaga og skapa umræður um fjármál þeirra.

3.Jöfnunarsjóður sveitarfélaga - ársfundur 2011

2011090093

Erindi dags. 19. september 2011 frá Innanríkisráðuneytinu þar sem boðað er til ársfundar Jöfnunarsjóðs sveitarfélaga sem haldinn verður miðvikudaginn 12. október 2011 kl. 17:00 á Hilton Hótel Nordica, Suðurlandsbraut 2, Reykjavík.

Bæjarráð felur bæjarstjóra að fara með umboð Akureyrarbæjar á fundinum.

4.Íþróttafélagið Þór - kalskemmdir

2011090050

4. liður í fundargerð íþróttaráðs dags. 15. september 2011:
Erindi dags. 8. september 2011 frá Sigfúsi Ólafi Helgasyni framkvæmdastjóra Íþróttafélagsins Þórs þar sem hann óskar eftir fjárframlagi frá Akureyrarbæ vegna mjög slæms ásigkomulags knattspyrnuvalla félagsins af völdum kalskemmda sem orsakaði mikinn kostnað við hirðingu þeirra sumarið 2011.
Íþróttaráð telur að þær veðurfarslegu aðstæður sem voru sl. vetur og vor hafi haft veruleg áhrif á þau íþróttafélög sem sjá um rekstur grassvæða í eigu Akureyrarbæjar. Ráðið telur það ljóst að án þeirra aðgerða sem gripið var til af hálfu félaganna hefði hefðbundin starfsemi þeirra raskast verulega með tilheyrandi óþægindum og tekjutapi.
Íþróttaráð leggur því mikla áherslu á, að vegna þessara óvæntu og óviðráðanlegu aðstæðna sem upp komu, að Akureyrarbær taki þátt í þeim kostnaði sem til féll vegna viðgerðanna.
Íþróttaráð óskar eftir því við bæjarráð að Íþróttafélaginu Þór verði veittur fjárhagslegur stuðningur vegna ofangreinds kostnaðar.

Bæjarráð samþykkir að styrkja Íþróttafélagið Þór um kr. 250.000 vegna kalskemmda á knattspyrnuvöllum félagsins og vísar kostnaði til endurskoðunar fjárhagsáætlunar.

5.Íþróttafélagið Þór - styrkbeiðni vegna kvennaliðs Þórs/KA í knattspyrnu - Evrópukeppni

2011090051

5. liður í fundargerð íþróttaráðs dags. 15. september 2011:
Erindi dags. 13. september 2011 frá Sigfúsi Ólafi Helgasyni framkvæmdastjóra Þórs, þar sem óskað er eftir 300.000 kr. styrk frá Akureyrarbæ vegna þátttöku kvennaliðs Þórs/KA í knattspyrnu í Evrópukeppni í lok september og byrjun október.
Nói Björnsson formaður íþróttaráðs vék af fundi undir þessum lið.
Íþróttaráð fagnar góðum árangri kvennaliðs Þórs/KA.
Ráðið hefur ekki fjárhagslegt svigrúm innan samþykkts ramma til að veita Íþróttafélaginu Þór stuðning vegna verkefnisins en óskar eftir því við bæjarráð að skoða mögulegan stuðning við kvennalið Þórs/KA.

Bæjarráð samþykkir styrk til kvennaliðs Þórs/KA að upphæð kr. 300.000. Kostnaði er vísað til endurskoðunar fjárhagsáætlunar.

6.Leikfélag Akureyrar - stuðningur við rekstur 2011-2012

2011090120

Lagður fram samningur dags. 26. september 2011 milli Akureyrarbæjar og Leikfélags Akureyrar um stuðning Akureyrarbæjar við rekstur atvinnuleikhúss á Akureyri fyrir starfsárið 2011-2012.

Bæjarráð samþykkir framlagðan samning.

Í samræmi við 3. gr. samningsins felur bæjarráð Karli Guðmundssyni verkefnastjóra að vera fulltrúi Akureyrarbæjar í vinnu við að fara yfir fjárhagsstöðu Leikfélags Akureyrar.

7.Önnur mál

2011010003

Andrea Sigrún Hjálmsdóttir V-lista spurðist fyrir um erindi sem borist hafa í viðtalstíma bæjarfulltrúa en hefur ekki verið svarað formlega.

Fundi slitið - kl. 10:40.