Bæjarráð

6148. fundur 02. júní 2005

Akureyrarbær

Bæjarráð - Fundargerð
3014. fundur
02.06.2005 kl. 09:00 - 11:15
Fundarsalur á 2. hæð í Ráðhúsi

Nefndarmenn: Starfsmenn:
Jakob Björnsson formaður
Þórarinn B. Jónsson
Þóra Ákadóttir
Oddur Helgi Halldórsson
Oktavía Jóhannesdóttir
Jón Erlendsson áheyrnarfulltrúi		 Kristján Þór Júlíusson
Dan Jens Brynjarsson
Jón Bragi Gunnarsson
Ármann Jóhannesson
Karl Guðmundsson
Brynja Björk Pálsdóttir fundarritari

1 Vinnuskóli 2005 - Hrísey
2005040050
Lögð var fram tillaga um rekstur vinnuskóla í Hrísey sumarið 2005.
Bæjarráð samþykkir að rekinn verði vinnuskóli í Hrísey í sumar. Starfsmannaþjónustu og Framkvæmdamiðstöð er falin framkvæmd málsins.

Halla Margrét Tryggvadóttir starfsmannastjóri sat fundinn við afgreiðslu á 1. lið.

2 Styrktarsjóður EBÍ 2005
2005050093
Erindi dags. 23. maí 2005 frá Eignarhaldsfélagi Brunabótafélags Íslands varðandi umsóknir til Styrktarsjóðs EBÍ 2005.
Lagt fram til kynningar.


3 Lundarhverfi - lega tengibrauta
2004120106
Lögð fram greinargerð frá Alta. Einnig lagt fram bréf frá íbúum Háalundar 11 og 12 og Hjarðarlundar 12.
Bæjarráð frestar afgreiðslu.


4 Iceland Express ehf. - millilandaflug
2005050104
Erindi dags. 25. maí 2005 frá framkvæmdastjóra Iceland Express ehf. varðandi aðstæður til millilandaflugs til og frá Akureyri. Í bréfinu kemur m.a. fram, að athuganir flugfélagsins hafi leitt í ljós að raunhæft muni vera að stunda beint flug til og frá Akureyrarflugvelli a.m.k. stóran hluta ársins. Lengd flugbrautarinnar takmarkar möguleikana verulega þar sem einungis fáar tegundir flugvéla henti við núverandi aðstæður.
Bæjarstjórn Akureyrar hefur margoft ályktað um mikilvægi á beinu millilandaflugi til og frá Akureyrarflugvelli. Bæjarráð ítrekar þau sjónarmið sem í ályktununum koma fram og telur brýnt að af hálfu ríkisins verði nú þegar kannaðir möguleikar á að flýta framkvæmdum við nauðsynlega lengingu flugbrautarinnar. Bæjarráð lýsir yfir vilja til samstarfs við flugmálastjórn og samgönguráðuneytið um skjótan framgang málsins.


5 Fjárhagsáætlun Akureyrarbæjar 2006
2005050085
Lögð fram drög að fjárhagsáætlunarferli 2005 vegna áætlunar 2006 og 3ja ára áætlunar.
Bæjarráð samþykkir vinnuferlið að teknu tilliti til athugasemda sem fram komu á fundinum.


6 Hafnarstræti 98
2004070046
Rætt um uppkaup eignarinnar Hafnarstrætis 98.
Bæjarráð heimilar bæjarstjóra að ganga til samninga um kaup á húseigninni á grundvelli umræðna á fundinum.
Oddur Helgi Halldórsson bókar að hann situr hjá við afgreiðslu liðarins.


Fundi slitið.