Bæjarráð

4496. fundur 04. desember 2003

2949. fundur
04.12.2003 kl. 10:00 - 12:10
Bæjarstjórnarsalur á 4. hæð í Ráðhúsi/Akureyri

Nefndarmenn: Starfsmenn:
Jakob Björnsson, formaður
Þórarinn B. Jónsson
Sigrún Björk Jakobsdóttir
Oddur Helgi Halldórsson
Valgerður H. Bjarnadóttir
Oktavía Jóhannesdóttir, áheyrnarfulltrúi		 Kristján Þór Júlíusson
Dan Jens Brynjarsson
Ármann Jóhannesson
Karl Guðmundsson
Inga Þöll Þórgnýsdóttir
Dagný Harðardóttir
Heiða Karlsdóttir, fundarritari

1 Leiguíbúðir Akureyrarbæjar - húsaleiga
2003100077
Tekið fyrir að nýju, áður á dagskrá bæjarráðs 13. nóvember 2003.
Halla Margrét Tryggvadóttir starfsmannastjóri og Guðrún Sigurðardóttir deildarstjóri fjölskyldudeildar mættu á fundinn undir þessum lið.
Bæjarráð vísar eftirfarandi tillögu að breytingu á húsaleigu í leiguíbúðum Akureyrarbæjar til afgreiðslu bæjarstjórnar:
Frá og með 1. febrúar 2004 ákvarðist leiguverð í leiguíbúðum Akureyrarbæjar sem hundraðshluti af fasteignamati íbúðar. Leiguverðið nemi 6,8% af fasteignamati ibúðar þó með þeim ákvæðum um lágmarks- og hámarksleigu fyrir hvern stærðarflokk íbúðar sem fram koma í eftirfarandi töflu.
Almennt leiguverð verði:
Tveggja herbergja íbúðir á mánuði, lágmark kr. 28.000 hámark kr. 35.000
Þriggja herbergja íbúðir á mánuði, lágmark kr. 35.000 hámark kr. 40.000
Fjögurra herbergja íbúðir á mánuði, lágmark kr. 40.000 hámark kr. 45.000
Fimm herbergja íbúðir á mánuði, lágmark kr. 45.000 hámark kr. 61.000
Sérstakt leiguverð ef skattskyldar árstekjur leigjanda (fjölskyldutekjur) nema kr. 1.250.000
eða lægri upphæð verði (samkvæmt skattframtali 2003):
Tveggja herbergja íbúðir á mánuði, lágmark kr. 28.000 hámark kr. 31.000
Þriggja herbergja íbúðir á mánuði, lágmark kr. 35.000 hámark kr. 35.000
Fjögurra herbergja íbúðir á mánuði, lágmark kr. 40.000 hámark kr. 40.000
Fimm herbergja íbúðir á mánuði, lágmark kr. 45.000 hámark kr. 45.000
Húsaleigan skal bundin neysluverðsvísitölu febrúarmánaðar 2004 og breytist mánaðarlega, í fyrsta sinn þann 1. mars 2004. Húsaleiguna skal endurskoða árlega þegar nýtt fasteignamat liggur fyrir. Við endurskoðunina skal meta hvort samræmi sé á breytingu neysluverðsvísitölu og fasteignamatsins. Þá skal þess gætt við hina árlegu endurskoðun að húsaleigan samrýmist lögum og reglugerð nr. 873/2001 um leiguverð í félagslegum leiguíbúðum. Einnig skal tekjuviðmið vegna greiðslu sérstaks leiguverðs endurmetið við hina árlegu endurskoðun húsaleigunnar.


2 Viðbótarlán - 2003
2003010046
Lagðar fram umsóknir um viðbótarlán.
Bæjarráð samþykkir umsóknir nr. 03-211, 03-214, 03-215 og 03-216.


3 Innleystar félagslegar íbúðir - 2003
2003010048
Lögð fram tillaga að ráðstöfun innleystrar félagslegrar íbúðar.
Bæjarráð samþykkir að íbúð nr. 03-027 verði breytt í leiguíbúð.


4 Strandgata 23 - uppkaup eignar og/eða stöðuleyfi
2003110026
Tekið fyrir að nýju erindi dags. 4. nóvember 2003 frá Elsu Þorsteinsdóttur, kt. 260331-5159, þar sem hún óskar eftir að fasteignin Strandgata 23 bakhús ásamt eignarlóð verði keypt af henni og/eða að gefið verði út varanlegt kvaðalaust stöðuleyfi fyrir fasteigninni. Áður á dagskrá bæjarráðs 27. nóvember sl.
Fram var lagt minnisblað sviðsstjóra tækni- og umhverfissviðs dags. 2. desember 2003.
Bæjarráð hafnar uppkaupum á eigninni en vísar ósk um varanlegt stöðuleyfi til umfjöllunar í umhverfisráði.


5 Glerárgata 3
2002030041
Kynntir kaupsamningar vegna kaupa á Glerárgötu 3.
Bæjarráð samþykkir samningana.


6 Glerá
2002110095
Kynnt hugsanleg uppkaup á landi. Fram var lagt minnisblað sviðsstjóra tækni- og umhverfissviðs dags. 3. desember 2003.
Á grundvelli tillagna sem fram koma á minnisblaðinu samþykkir bæjarráð að gengið verði til samninga við landeiganda um kaup á tilgreindri landspildu. Þá samþykkir bæjarráð einnig á grundvelli minnisblaðsins að gengið verði til samninga við G. Hjálmarsson hf. um malarnám ofl.


7 Globodent ehf. - lánssamningur
2000050067
Lagður fram lánssamningur Framkvæmdasjóðs Akureyrar dags. 1. desember 2003 við Globodent ehf. að upphæð kr. 4.000.000.
Meiri hluti bæjarráðs staðfestir samninginn.
Þórarinn B. Jónsson óskar bókað að hann tók ekki þátt í afgreiðslu málsins.
Oddur Helgi Halldórsson óskar bókað að hann er á móti afgreiðslunni.


8 Bæjarsjóður Akureyrar - yfirlit um rekstur 2003
2003050046
Yfirlit um rekstur Bæjarsjóðs Akureyrar janúar-október 2003.
Lagt fram til kynningar.


9 Fjárhagsáætlun Akureyrarbæjar 2004
2003040030
Á fundi bæjarstjórnar 18. nóvember sl. var frumvarpi að fjárhagsáætlun Akureyrarbæjar 2004 ásamt breytingartillögum Oktavíu Jóhannesdóttur vísað til bæjarráðs og síðari umræðu.
Unnið að gerð fjárhagsáætlunar.


10 Þriggja ára áætlun 2005-2007
2003110070
Unnið að gerð þriggja ára áætlunar 2005-2007.


11 Atvinnuhorfur fólks - 16-24 ára
2003020101
Atvinnuhorfur aldurshópsins 16 til 24 ára. Sigrún Björk Jakobsdóttir gerði grein fyrir málinu og lagði fram eftirfarandi tillögu að bókun:
"Bæjarráð Akureyrar skorar á félagsmálaráðherra að hraða fyrirhugaðri úttekt á landsvísu á atvinnuleysi fólks á aldrinum 16 til 24 ára og mögulegum úrbótum. Ljóst er að þörf er á sameininlegu átaki ríkisins, sveitarfélagsins, stofnana og félagasamtaka og bæjarráð styður heilshugar við tillögur til úrbóta sem lagðar voru fram af Svæðisvinnumiðlun Norðurlands eystra sem fela í sér stofnun verkþjálfunarseturs fyrir fólk á aldrinum 16 til 24 ára."
Bæjarráð samþykkir bókunina.


Fundi slitið.