Bæjarráð

1 Umhverfisráð - fundargerð dags. 31. júlí 2002
Fundargerðin er í 63. liðum.
Bæjarráð samþykkir fundargerðina.
Bæjarfulltrúi Oktavía Jóhannesdóttir óskar bókað að hún tekur undir bókanir Jóns Inga Cæsarssonar við 5., 8. og 15. lið.


2 Umsókn um lán af endurlánsfé
2002010050
Lagt fram tilboð frá Lánasjóði sveitarfélaga dags. 26. júlí 2002 vegna lántöku.
Fyrir lá mat fjármálastjóra á hagkvæmni lántökunnar. Bæjarráð samþykkir að taka tilboði lánasjóðsins um 75 milljóna króna lán. Lántaka þessi er hluti áætlaðrar heildarlántöku bæjarsjóðs Akureyrar á árinu 2002 og verður lánsfjárhæðin nýtt til fjármögnunar framkvæmda í samræmi við skilmála sjóðsins.


3 Nýbyggingar við Gróðrarstöðina í Kjarna - byggingar- og gatnagerðargjöld
2002080003
Erindi dags. 26. júlí 2002 þar sem Skógræktarfélag Eyjafjarðar fer þess á leit, með vísan til 8. gr. 3. liðar reglugerðar um gatnagerðargjöld á Akureyri, að byggingar- og gatnagerðargjöld af nýbyggingum við Gróðrarstöðina í Kjarna, verði sambærileg og hjá samkeppnisaðilum þeirra í öðrum sveitarfélögum.
Bæjarráð felur sviðsstjóra tækni- og umhverfissviðs að ræða við fulltrúa Skógræktarfélags Eyjafjarðar um byggingar- og gatnagerðargjöld.


4 Stöð 1 - útsendingar á Akureyri
2002070073
Erindi dags. 29. júlí 2002 frá Stöð 1 hf. þar sem farið er þess á leit að Akureyrarbær komi að fjármögnun vegna loftneta og sendiaðstöðu á Akureyri.
Bæjarráð getur ekki orðið við erindinu.


5 Áheyrnarfulltrúi í bæjarráði
2002070030
Formaður bæjarráðs lagði fram tillögu varðandi laun/þóknun áheyrnarfulltrúa í bæjarráði Akureyrar.
Bæjarráð samþykkir að á yfirstandandi kjörtímabili verði laun áheyrnarfulltrúa í bæjarráði þau sömu og kjörinna fulltrúa í ráðið.


6 Innleystar félagslegar íbúðir - 2002
2002060090
Tillaga að ráðstöfun innleystra félagslegra íbúða nr. 02-021, 02-022, 02-023 og 02-024.
Bæjarráð samþykkir að selja íbúðir nr. 02-021, 02-023 og 02-024 á frjálsum markaði og að breyta íbúð nr. 02-022 í leiguíbúð.


7 Viðbótarlán - 2002
2002070004
Lagðar fram umsóknir um viðbótarlán.
Bæjarráð samþykkir umsóknir nr. 02-103 og 02-104, en synjar umsóknum nr. 02-099 og 02-107 vegna tekna.


8 Staða viðbótarlána
2002070004
Staða viðbótarlána kynnt.
Fram var lagt yfirlit frá fjármálastjóra um veitingu viðbótarlána til húsnæðiskaupa á árinu 2002. Samþykkt hefur verið 81 ný lánsumsókn vegna viðbótarlána fyrstu sjö mánuði ársins að upphæð 143.000.000 sem nemur um 62% af heimildum ársins. Auk þess hafa verið samþykktar 23 yfirtökur á eldri lánum.


9 Fjárhagsáætlun Akureyrarbæjar 2003
2002050068
Bæjarstjóri lagði fram eftirfarandi tillögu að fjárhagsramma fyrir rekstur bæjarsjóðs og fyrirtækja hans á árinu 2003. Fjárhagsrammarnir taka mið af gildandi þriggja ára áætlun bæjarsjóðs, umsömdum launahækkunum og 3,2% verðlagsbreytingum:

	Málaflokkur	Upph. í þús.kr.	Hækkun milli ára
00	Skatttekjur	-3.750.582	5,217%
02	Félagsþjónusta	382.072	13,510%
03	Heilbrigðismál	22.443	121,789%
04	Fræðslu- og uppeldismál	2.055.473	8,741%
05	Menningarmál	211.879	5,089%
06	Íþr.- og tómstundamál	463.756	15,153%
07	Brunamál og almannav.	74.370	2,873%
08	Hreinlætismál	70.494	4,663%
09	Skipulags- og byggingamál	78.590	5,801%
10	Götur, umferðar- og samg.m.	101.310	5,703%
11	Umhverfismál	81.400	3,155%
13	Atvinnumál	34,468	24,780%
20	Framlög til fyrirtækja	133.961	3,200%
21	Sameiginlegur kostnaður	247.628	6,143%
28	Fjárm.tekjur og fjárm.gjöld	-263.184	3,200%
	Samtals bæjarsjóður	3.694.659	9,774%

	Fyrirtæki bæjarsjóðs	Upph. í þús.kr.	Hækkun milli ára
31	Fasteignir Akureyrar	37.887	2,977%
33	Framkvæmdasj. Akureyrar	-4.545	10,362%
35	Eignasjóður gatna ofl.	1.078	-68,696%
51	Bifreiðastæðasjóður	-8,296	3,280%
57	Félagslegar íbúðir	30.385	3,183%
73	Fráveita Akureyrarbæjar	-15.127	3,200%
77	Dvalarheimili aldraðra	2.261	3.732,719%
79	Strætisvagnar Akureyrar	2.173	-0,129%
	Samtals rekstur fyrirtækja	45.818	1,566%