Bæjarráð

2684. fundur 16. ágúst 2001

Bæjarráð - Fundargerð
2851. fundur
16.08.2001 kl. 09:00 - 10:05
Bæjarstjórnarsalur á 4. hæð í Ráðhúsi


Nefndarmenn : Starfsmenn :
Ásgeir Magnússon formaður
Þórarinn B. Jónsson
Vilborg Gunnarsdóttir
Jakob Björnsson
Oddur Helgi Halldórsson
Kristján Þór Júlíusson
Sigríður Stefánsdóttir
Ármann Jóhannesson
Halla M. Tryggvadóttir
Karl Guðmundsson
Hákon Stefánsson
Heiða Karlsdóttir fundarritari


1 Framkvæmdaráð - fundargerð dags. 13. ágúst 2001
Fundargerðin er í 5 liðum.
Bæjarráð samþykkir 1. lið og 2. lið.
3. liður gefur ekki tilefni til ályktunar.
4. liður: Bæjarráð samþykkir afgreiðslu framkvæmdaráðs.
5. liður: Bæjarráð frestar að taka afstöðu til breytinga á endurskoðaðri fjárhagsáætlun þar til ákvörðun um framkvæmdir við göngugötu og fjölnota íþróttahús liggur fyrir.



2 Fasteignir Akureyrarbæjar - fundargerð dags. 13. ágúst 2001
Fundargerðin er í 6 liðum.
Bæjarráð samþykkir 1. lið.
Aðrir liðir fundargerðarinnar gefa ekki tilefni til ályktunar.



3 Þakkarbréf aðalframkvæmdastjóra Alþjóðaveðurfræðistofnunarinnar WMO
2000010026
Lagt fram bréf dags. 8. ágúst 2001 frá Magnúsi Jónssyni veðurstofustjóra, ásamt afriti af bréfi prófessors G.O.P. Obasi aðalframkvæmdastjóra Alþjóðaveðurfræðistofnunarinnar WMO þar sem bæjaryfirvöldum eru færðar þakkir fyrir framkvæmd sjóveðurþingsins JCOMM-I sem haldið var á Akureyri 19.- 29. júní sl.


4 Vetraríþróttamiðstöð Íslands - frekari uppbygging
2001080019
Erindi dags. 7. ágúst 2001 frá menntamálaráðuneytinu þar sem þess er farið á leit við bæjarstjórn Akureyrar að hún tilnefni fulltrúa í nefnd til að ræða framtíðarstarf og stuðning við VMÍ.
Bæjarráð tilnefnir Þórarinn B. Jónsson formann íþrótta- og tómstundaráðs og Jóhann G. Sigurðsson formann stjórnar Vetraríþróttamiðstöðvar Íslands fulltrúa sína í viðræðunefndina.


5 Boltavellir
2001060107
Lagt fram minnisblað Tryggva Marinóssonar dags. 8. júlí sl. vegna fyrirspurnar Vilborgar Gunnarsdóttur dags. 26. júní 2001 varðandi boltavelli.
Bæjarráð vísar málinu til íþrótta- og tómstundaráðs og óskar eftir tillögum frá ráðinu um það hvernig standa beri að umönnun opinna leiksvæða.


6 Upplýsingaþættir fyrir Akureyrarbæ
2001080023
Fram lagt erindi dags. 9. ágúst 2001 frá Aksjón þar sem þeir bjóða upp á áframhaldandi þáttagerð fyrir Akureyrarbæ með svipuðu sniði og sl. vetur. Að þessu sinni bjóðast þeir til að framleiða 38 þátta syrpu sem skiptist í tvo hluta - annars vegar tilkynningar (auglýsingar) frá Akureyrarbæ og hins vegar kynning á stofnunum bæjarins.
Bæjarráð tekur ekki afstöðu til þeirrar tillögu sem fam er sett í erindinu en samþykkir að ganga til viðræðna við Aksjón um gerð upplýsinga- og kynningarþátta sem sýndir yrðu á komandi vetri og felur sviðsstjóra þjónustusviðs að annast þær viðræður.

Fundi slitið.