Bæjarráð

Bæjarráð samþykkir umsókn til Húsnæðis- og mannvirkjastofnunar sem felur í sér 12% stofnframlag Akureyrarbæjar til Brynju leigufélags vegna 10 íbúða á Akureyri.

Bæjarráð samþykkir að framlengja núverandi samning við Enor um eitt ár sbr. 6. mgr. 72. gr. sveitarstjórnarlaga nr. 138/2011.

Bæjarráð frestar afgreiðslu málsins og felur Ingu Þöll Þórgnýsdóttur bæjarlögmanni og Tómasi Birni Haukssyni verkefnastjóra nýframkvæmda og viðhalds gatna að koma með tillögu að bókun á næsta fund bæjarráðs.

Meirihluti bæjarráðs samþykkir framlagðan samning um uppbyggingu á félagssvæði KA og vísar honum til umræðu í bæjarstjórn.


Sunna Hlín Jóhannesdóttir situr hjá.


Sunna Hlín Jóhannesdóttir B-lista óskar bókað:

Sit hjá vegna ófullnægjandi gagna. Ég er ekki á móti þessari viðbót við fyrrum uppbyggingarsamning, það eru ákveðin rök fyrir því að klára félagsaðstöðuna samhliða en ákvörðun um það verður að vera byggð á faglegri vinnu. Enn er mörgum spurning ósvarað. Það er óábyrg fjármálastjórnun að ekki liggi til grundvallar minnisblað um rekstrarkostnað og hvaða áhrif þessi fjárfesting hefur á aðrar áætlaðar fjárfestingar og getu til fjárfestinga á næstu árum. Eins sýnir það skort á faglegum vinnubrögðum að hvorki fylgi gögnunum þarfagreining né heildar framtíðarsýn á uppbyggingu íþróttamannvirkja. Fulltrúar B-lista hafa talað fyrir því fyrir síðustu kosningar að dusta rykið af umræðu um þriggja kjarna starfsemi og skipuleggja uppbyggingu á KA og Þórssvæðinu samhliða því, það á enn við.

Það er óásættanlegt að ekki sé tímasett í samningnum hvenær viðunandi frágangi eigi að ljúka né kostnaðargreining á því. 7. gr. um bindingu Akureyrarvallar samræmist ekki nýsamþykktri húsnæðisáætlun.


Jana Salóme Ingibjargar Jósepsdóttir V-lista óskar bókað:

Mér finnst skorta framtíðarsýn varðandi uppbyggingu íþróttamannvirkja í bænum og að horft sé til þess að við erum 20.000 manna sveitarfélag í því samhengi. Eins þarf að meta hvaða áhrif þessi samningur hefur á aðrar áætlaðar fjárfestingar sveitarfélagsins og fjárfestingar til framtíðar sem og að rekstrarkostnaður sé ljós.


Hilda Jana Gísladóttir S-lista óskar bókað:

Mikilvægt er að tryggja að úthlutun lóða á Akureyrarvelli geti átt sér stað í samræmi við húsnæðisáætlun árið 2026, til að tryggja sveitarfélaginu tekjur til að standa straum af hluta þess kostnaðar sem um ræðir. Þá er mikilvægt að vinna að nýrri áætlun um framtíðaruppbyggingu íþróttamannvirkja, enda ljóst að einnig er þörf á uppbyggingu mannvirkja annarra íþróttafélaga sveitarfélagsins. Þá er mikilvægt að horfa til heildarsamhengis í framkvæmdaáætlun næstu ára, enda töluverð þörf á uppbyggingu mannvirkja tengt öðrum málarflokkum, ekki síst á velferðar- og fræðslusviði


Halla Björk Reynisdóttir L-lista, Hlynur Jóhannsson M-lista og Lára Halldóra Eiríksdóttir D-lista óska bókað:

Ánægjulegt er að nú liggi fyrir samningur um uppbyggingu á KA svæðinu. Við teljum ekkert í samningnum koma í veg fyrir uppbyggingu á Akureyrarvelli og hann því í samræmi við nýsamþykkta húsnæðisáætlun.

Meirihluti bæjarráðs samþykkir að hefja innleiðingu tilraunaverkefnis um skráningardaga í leikskólum Akureyrarbæjar frá og með næsta hausti.


Hilda Jana Gísladóttir S-lista situr hjá.


Hilda Jana Gísladóttir og Jana Salóme Ingibjargar Jósepsdóttir óska bókað:

Þar sem um töluverða breytingu er að ræða hefði verið æskilegt að horfa til víðtæks samráðs við hagaðila áður en ákvörðun er tekin. Þá hefði verið eðlilegt að greina líkleg áhrif ákvörðunarinnar á ólíka hópa s.s. kynja, tekjuhópa og félagsstöðu. Þar sem litið er á verkefnið sem tilraun hefði einnig verið æskilegt að fyrir myndi liggja hvernig meta eigi árangur þess.

Bæjarráð felur Hólmkeli Hreinssyni að fara með umboð Akureyrarbæjar á fundinum. Einnig tilnefnir bæjarráð Hólmkel í fulltrúaráð Málræktarsjóðs. Bæjarráð hvetur Málræktarsjóð til að kanna möguleika þess að halda fundi sína með rafrænum hætti.

Bæjarráð felur Helgu Eymundsdóttur að sækja fundinn fyrir hönd bæjarins.

Bæjarráð vísar 1. og 2. lið í fundargerð 27. fundar öldungaráðs til velferðarráðs.

Bæjarráð leggur áherslu á að Akureyrarbær hefur áhuga á að taka þátt í að leita lausna varðandi húsnæðsvanda fyrir hælisleitendur í góðri samvinnu við ríkið, en telur varhugavert að tímabundið leyfi verði gefið til búsetu á atvinnusvæðum. Ekki er nægilega ljóst hvaða fordæmi verið er að setja með þessum breytingum. Bæjarráð telur að verði farið af stað með slíkar breytingar megi gera ráð fyrir þrýstingi um að slík leyfi verði framlengd og leiði mögulega til varanlegrar búsetu á svæðum sem ekki hafa verið skipulögð sem slík. Þá telur bæjarráð að skoða þurfi vel hvort og þá hvernig þessi breyting ef af verður hefur á þjónustu sveitarfélaga og að skýrari grein verði gerð á því hvaða afsláttur verði gefinn á kröfum til íbúðarhúsnæðis á atvinnusvæðum. Bæjarráð felur Pétri Inga Haraldssyni skipulagsfulltrúa að senda umsögn um frumvarpið.