Bæjarráð

3623. fundur 17. janúar 2019 kl. 08:15 - 12:05 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Eva Hrund Einarsdóttir
  • Þórhallur Jónsson
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Þórhallur Jónsson D-lista mætti í forföllum Gunnars Gíslasonar.

Í upphafi fundar leitaði formaður afbrigða til að taka af dagskrá mál sem var 8. liður í útsendri dagskrá, 2018110171 Jafnréttisstefna - skipan þróunarleiðtoga. Jafnframt að tekið yrði á dagskrá mál 2019010053 Viðauki vegna heimilis fyrir börn með verulegar þjónustuþarfir og mál 2018120187 Samningur ríkissjóðs og Akureyrarbæjar um uppgjör lífeyrisskuldbindinga. Var það samþykkt samhljóða.

1.Afskriftir krafna 2018

2019010037

Lögð fram tillaga sviðsstjóra fjársýslusviðs dagsett 3. janúar 2019 um afskriftir krafna.

Kröfurnar eru frá árunum 2015 og fyrri árum. Jafnframt er um að ræða yngri kröfur hjá gjaldþrota aðilum og einstaklingum sem fengið hafa greiðsluaðlögun.

Samtals er um 544 kröfur að ræða að fjárhæð 10.801.487 krónur.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir tillögu sviðsstjóra fjársýslusviðs um afskriftir 544 krafna að fjárhæð 10.801.487 krónur.

2.Afskriftir lána 2018

2014120067

Liður 2 í fundargerð velferðarráðs dagsettri 19. desember 2018:

Lögð fram tillaga fjölskyldusviðs að afskriftum lána í fjárhagsaðstoð. Um er að ræða lán að upphæð kr. 1.982.682.

Velferðarráð samþykkir tillöguna fyrir sitt leyti og vísar málinu til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagða tillögu um afskriftir lána í fjárhagsaðstoð að fjárhæð 1.982.682 krónur.

3.Útboð á ritföngum og námsgögnum

2018120119

Liður 5 í fundargerð fræðsluráðs dagsettri 17. desember 2018:

Árni K. Bjarnason forstöðumaður rekstrar kynnti stöðu útboðs á námsgögnum og ritföngum.

Lagt er til að samningi Akureyrarbæjar og Ríkiskaupa um skrifstofuvörur (RK 02.01) verði sagt upp svo opna megi á möguleikann á almennu útboði.

Fræðsluráð vísar erindinu til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð telur ekki ástæðu til að segja upp samningnum að svo stöddu en hvetur Ríkiskaup til að huga að nýju útboði þegar þessi samningur rennur út í stað framlengingar.

4.Byggðakvóti handa Hrísey og Grímsey - fiskveiðiárið 2018/2019

2018100159

Umfjöllun um hvort Akureyrarbær óskar eftir að leggja til við atvinnuvega- og nýsköpunarráðuneytið að sett verði sérstök skilyrði varðandi úthlutun byggðakvóta sveitarfélagsins eða einstaka byggðarlaga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir að óska ekki eftir sérstökum skilyrðum varðandi úthlutun byggðakvóta sveitarfélagsins og felur bæjarstjóra að tilkynna ráðuneytinu ákvörðunina.

5.Jöfnunarsjóður - ný reglugerð

2018110056

Lögð fram til kynningar ný reglugerð um Jöfnunarsjóð sveitarfélaga nr. 1088/2018 sem tók gildi 1. janúar sl.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

6.Íbúaþróun í Akureyrarbæ

2019010151

Lögð fram til kynningar gögn um íbúaþróun í Akureyrarbæ.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð leggur til að stjórn Akureyrarstofu undirbúi samkeppnis- og markaðsgreiningu á atvinnu- og íbúamarkaði fyrir Akureyrarbæ og farið verði í markaðssetningu í kjölfarið. Bæjarráð leggur til að þetta verði samvinnuverkefni Akureyrarbæjar og Atvinnuþróunarfélags Eyjafjarðar. Jafnframt áréttar bæjarráð mikilvægi þess að farið verði í átak um færslu opinberra starfa út á landsbyggðirnar.

7.Umhverfis- og mannvirkjasvið gjaldskrár 2019

2018090053

Lögð fram drög að gjaldskrá fyrir sorphirðu í Akureyrarkaupstað 2019.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir gjaldskrána fyrir sitt leyti og vísar henni til staðfestingar í bæjarstjórn.

8.Viðauki vegna heimilis fyrir börn með verulegar þjónustuþarfir

2019010053

Liður 6 í fundargerð velferðarráðs dagsettri 9. janúar 2019:

Laufey Þórðardóttir settur sviðsstjóri búsetusviðs sat fundinn undir þessum lið og lagði fram beiðni um 30 m.kr. aukafjárveitingu vegna húsakaupa og óskar eftir aukningu á innri húsaleigu sem nemur kr. 2.125.000 á ársgrundvelli.

Málinu vísað áfram til seinni umræðu.

Eva Hrund Einarsdóttir bar upp vanhæfi sitt og var það samþykkt. Hún vék af fundi við umræður og afgreiðslu málsins.
Bæjarráð hafnar beiðninni en felur sviðsstjóra fjársýslusviðs að vinna málið áfram í samstarfi við sviðsstjóra umhverfis- og mannvirkjasviðs og starfandi sviðsstjóra búsetusviðs í samræmi við umræður á fundinum.

9.Upplýsingastefna Akureyrarbæjar

2015110167

Liður 1 í fundargerð stjórnar Akureyrarstofu dagsettri 18. desember 2018:

Ragnar Hólm Ragnarsson verkefnastjóri kynningarmála lagði fram upplýsingastefnu Akureyrarbæjar til samþykktar.

Kristín Sóley Sigursveinsdóttir forstöðumaður upplýsinga- og þjónustudeildar sat fundinn undir þessum lið.

Stjórn Akureyrarstofu samþykkir framlögð drög að upplýsingastefnu að viðbættum þeim athugasemdum sem fram komu á fundinum og vísar henni til endanlegrar samþykktar hjá bæjarráði.
Bæjarráð samþykkir fyrir sitt leyti fyrirliggjandi drög að upplýsingastefnu með þeim breytingum að gildistími sé 2019-2022 og vísar henni til umræðu og afgreiðslu í bæjarstjórn.

10.Samningur ríkissjóðs og Akureyrarbæjar um uppgjör lífeyrisskuldbindinga

2018120187

Lagður fram til kynningar undirritaður samningur milli fjármála- og efnahagsráðuneytis f.h. ríkissjóðs og Akureyrarbæjar um uppgjör lífeyrisskuldbindinga dagsettur 20. desember 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

11.Hverfisnefnd Giljahverfis - fundargerðir 2019

2019010081

Fundargerð hverfisnefndar Giljahverfis dagsett 2. janúar 2019 lögð fram til kynningar.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/giljahverfi/fundargerdir

12.Stjórn Norðurorku hf. - fundargerðir

2018110047

Lögð fram til kynningar fundargerð 229. fundar stjórnar Norðurorku hf. dagsett 19. desember 2018.

13.Stjórn Sambands íslenskra sveitarfélaga - fundargerðir 2018

2018030432

Lögð fram til kynningar fundargerð 866. fundar stjórnar Sambands íslenskra sveitarfélaga dagsett 14. desember 2018.

Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Fundi slitið - kl. 12:05.