Bæjarráð

3581. fundur 28. desember 2017 kl. 08:15 - 11:40 Fundarsalur á 2. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Dagbjört Elín Pálsdóttir
  • Matthías Rögnvaldsson
  • Eva Hrund Einarsdóttir
  • Sóley Björk Stefánsdóttir
  • Preben Jón Pétursson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson sviðsstjóri fjársýslusviðs
  • Halla Margrét Tryggvadóttir sviðsstjóri stjórnsýslusviðs ritaði fundargerð
Fundargerð ritaði: Halla Margrét Tryggvadóttir sviðsstjóri stjórnsýslusviðs
Dagskrá
Dagbjört Elín Pálsdóttir S-lista mætti í forföllum Sigríðar Huldar Jónsdóttur.
Eva Hrund Einarsdóttir D-lista mætti í forföllum Gunnars Gíslasonar.

1.Menningarfélag Akureyrar - endurnýjun saminga MH, LA og SN

Málsnúmer 2016120092Vakta málsnúmer

Rætt um drög að samningi Akureyrarbæjar við Menningarfélag Akureyrar (MAk). Þuríður Helga Kristjánsdóttir framkvæmdastjóri MAk, Sigurður Kristinsson formaður stjórnar MAk, Kristinn Jakob Reimarsson sviðsstjóri samfélagssviðs og Þórgnýr Dýrfjörð deildarstjóri Akureyrarstofu sátu fund bæjarráðs undir þessum lið. Einnig sat Dan Jens Brynjarsson sviðsstjóri fjársýslusviðs fundinn undir þessum lið.

2.Hæfingarstöðin Skógarlundi 1 - kaup eignarinnar af Fasteignasjóði Jöfnunarsjóðs

Málsnúmer 2017010535Vakta málsnúmer

5. liður í fundargerð umhverfis- og mannvirkjaráðs dagsett 15. desember 2017:

Lagt fram bréf dagsett 12. desember 2017 til Jöfnunarsjóðs sveitarfélaga þar sem óskað er eftir að kaupa eignina. Einnig samþykki Jöfnunarsjóðsins fyrir sölu eignarinnar til Akureyrarkaupstaðar.

Umhverfis- og mannvirkjaráð samþykkir kaupin á húsinu.
Bæjarráð staðfestir kaupin á húsinu og vísar til viðauka í tölulið 8.
Fylgiskjöl:

3.Lautin - ósk um hækkun framlags ársins 2017

Málsnúmer 2017120013Vakta málsnúmer

7. liður í fundargerð velferðarráðs dagsett 6. desember 2017:

Lagt var fram erindi frá Hafsteini Jakobssyni, fyrir hönd verkefnisstjórnar Lautarinnar, athvarfs fyrir fólk með geðfötlun, um hækkun rekstrarstyrks ársins 2017.

Karólína Gunnarsdóttir forstöðumaður þjónustudeildar fjölskyldusviðs sat fundinn undir þessum lið.

Þar sem ekki er heimild í fjárhagsáætlun fyrir hækkun vísar velferðarráð erindi Lautarinnar til bæjarráðs. Ráðið lýsir sig meðmælt því að framlagið verði hækkað.
Bæjarráð samþykkir að hækka rekstrarstyrk ársins 2017 um kr. 1.940 þús. og vísar til viðauka í tölulið 8.

4.Búfesti hsf - ósk um samstarf

Málsnúmer 2017080137Vakta málsnúmer

Lögð fram viljayfirlýsing milli Akureyrarbæjar og Búfesta hsf.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð staðfestir framlagða viljayfirlýsingu og felur bæjarstjóra að ganga frá undirritun yfirlýsingarinnar fyrir hönd bæjarins.

5.Brú lífeyrissjóður, samkomulag um uppgjör

Málsnúmer 2017120515Vakta málsnúmer

Kynnt samkomulag Akureyrarkaupstaðar við Brú lífeyrissjóð um uppgjör á lífeyrisskuldbindingum samkvæmt lögum nr. 127/2016.
Drög að samkomulagi lögð fram.

6.Lánasjóður sveitarfélaga - lántaka 2018

Málsnúmer 2017120404Vakta málsnúmer

Dan Jens Brynjarsson sviðsstjóri fjársýslusviðs fór yfir fyrirhugaða lántöku hjá Lánasjóði sveitarfélaga í tengslum við uppgjör á lífeyrisskuldbindingu við Brú lífeyrissjóð.
Bæjarráð leggur til að ábyrgð Akureyrarbæjar verði veitt fyrir lántöku allt að kr. 2,5 milljörðum vegna uppgjörs lífeyrisskuldbindinga við Brú lífeyrissjóð og vísar málinu til afgreiðslu í bæjarstjórn.

7.Endurskoðun ársreikninga 2017-2022 útboð

Málsnúmer 2017060207Vakta málsnúmer

Farið yfir stöðu málsins.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

8.Fjárhagsáætlun Akureyrarbæjar 2017 - viðauki 9

Málsnúmer 2016050137Vakta málsnúmer

Lagður fram viðauki 9.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagðan viðauka 9 og vísar honum til staðfestingar í bæjarstjórn.

Fundi slitið - kl. 11:40.