Bæjarráð

3578. fundur 30. nóvember 2017 kl. 08:15 - 11:30 Fundarsalur á 2. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Sigríður Huld Jónsdóttir
  • Matthías Rögnvaldsson
  • Gunnar Gíslason
  • Þorsteinn Hlynur Jónsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dagný Magnea Harðardóttir fundarritari
Fundargerð ritaði: Dagný Magnea Harðardóttir forstöðumaður upplýsinga- og þjónustudeildar
Dagskrá
Þorsteinn Hlynur Jónsson Æ-lista mætti í forföllum Prebens Jóns Péturssonar.
Sóley Björk Stefánsdóttir V-lista boðaði forföll sín og varamanns.

1.Blómsturvellir - umsókn um leiguland

2017110135

Erindi dagsett 8. nóvember 2017 frá Sveini Arnari Reynissyni þar sem óskað er eftir leigulandi í landi Blómsturvalla fyrir íbúðarhús. Meðfylgjandi er yfirlitsteikning.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.
Bæjarráð hafnar erindinu og felur bæjarstjóra að svara bréfritara.

2.Erfðafesta - land 611

2017110408

Innlausn erfðafestu.

Inga Þöll Þórgnýsdóttir bæjarlögmaður kynnti málið.
Bæjaráð felur bæjarlögmanni að innleysa erfðafestu.

3.Fjárhagsáætlun Akureyrarbæjar 2018 - gjaldskrár

2017040095

Tekið fyrir að nýju, bæjarráð frestaði afgreiðslu á síðast fundi sínum.

Lögð fram tillaga að gjaldskrám Akureyrarbæjar 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Meirihluti bæjarráðs samþykkir framlagðar gjaldskrár og vísar þeim til afgreiðslu bæjarstjórnar.

Gunnar Gíslason D-lista sat hjá við afgreiðslu.

4.Fjárhagsáætlun Akureyrarbæjar 2018-2021

2017040095

Unnið að gerð fjárhagsáætlunar.

Dan Jens Brynjarsson sat fund bæjarráðs undir þessum lið.

Eiríkur Björn Björgvinsson bæjarstjóri vék af fundi kl. 10:24.

5.Forstöðumaður mannauðsdeildar

2017110211

1. liður í fundargerð kjarasamninganefndar dagsett 22. nóvember 2017:

Lögð fram tillaga að nýju starfi stjórnanda á stjórnsýslusviði.

Kjarasamninganefnd leggur til við bæjaráð að starf á mannauðsdeild verði skilgreint sem forstöðumannsstarf. Lagt er til að greitt verði stjórnendaálag vegna starfs forstöðumanns mannauðsdeildar samkvæmt reglum Akureyrarbæjar um greiðslu stjórnendaálags forstöðumanna.
Bæjarráð samþykkir tillögu kjarasamninganefndar.

6.Aðgerðaráætlun gegn kynbundnu ofbeldi og ofbeldi gegn börnum

2017110400

Umræður um aðgerðaráætlun gegn kynbundnu ofbeldi og ofbeldi gegn börnum.

Katrín Björg Ríkarðsdóttir aðstoðamaður bæjarstjóra sat fund bæjarráðs undir þessum lið.
Bæjarráð felur velferðarráði að endurskoða aðgerðaráætlun Akureyrarbæjar gegn kynbundnu ofbeldi og ofbeldi gegn börnum.

Jafnframt felur bæjarráð forstöðumanni mannauðsdeildar og sviðsstjóra samfélagssviðs að endurskoða þá þætti í mannauðsstefnu og jafnréttisstefnu sem lúta að kynbundnu áreiti og ofbeldi.

7.Eyþing - aðalfundur 2017

2017100477

Lögð fram til kynningar fundargerð aðalfundar Eyþings sem haldinn var 10. og 11. nóvember sl ásamt skýrslu stjórnar.

Fundi slitið - kl. 11:30.