Atvinnumálanefnd

6. fundur 01. júlí 2015 kl. 16:00 - 17:30 Fundarsalur á 4. hæð í Ráðhúsi
Nefndarmenn
  • Matthías Rögnvaldsson formaður
  • Erla Björg Guðmundsdóttir
  • Jóhann Jónsson
  • Elías Gunnar Þorbjörnsson
  • Margrét Kristín Helgadóttir
  • Sóley Björk Stefánsdóttir áheyrnarfulltrúi
Starfsmenn
  • Albertína Friðbjörg Elíasdóttir fundarritari
Dagskrá

1.Byggðastofnun - umsóknir í verkefnið Brothættar byggðir

Málsnúmer 2014040240Vakta málsnúmer

Lagt fram svarbréf frá Byggðastofnun varðandi umsókn Akureyrarbæjar um þátttöku í verkefninu "Brothættar byggðir". Í bréfinu kemur fram að stjórn Byggðastofnunar hafi samþykkt umsókn sveitarfélagsins um þátttöku Hríseyjar og Grímseyjar í verkefninu.
Atvinnumálanefnd fagnar því að verkefnið sé að fara af stað í samstarfi við Byggðastofnun og leggur til að auglýst verði eftir verkefnastjóra vegna verkefnisins sem fyrst.

2.Atvinnumálanefnd - kynjuð fjárhagsáætlun

Málsnúmer 2015040049Vakta málsnúmer

Lagðar fram upplýsingar frá Creditinfo um fyrirtæki á Akureyri, flokkuð eftir kyni stofnenda/eigenda fyrirtækja. Skiptingin reyndist vera 70/30 sem er það sama og gengur og gerist á landinu í heild.
Atvinnumálanefnd telur mikilvægt að leita leiða til að fjölga konum í atvinnurekstri í sveitarfélaginu. Atvinnufulltrúa falið að hafa samband við Háskólann á Akureyri um nánari úrvinnslu á verkefninu.

3.Auglýsing Námsmatsstofnunar

Málsnúmer 2015070005Vakta málsnúmer

Að beiðni Sóleyjar Bjarkar Stefánsdóttur var rætt um auglýsingu Námsmatsstofnunar eftir 11 sérfræðingum sem eiga að innleiða aðgerðir til eflingar læsis. Gert er ráð fyrir að sérfræðingarnir muni allir hafa aðsetur á höfuðborgarsvæðinu.
Atvinnumálanefnd Akureyrarbæjar gerir athugasemd við að í auglýsingu á vegum Námsmatsstofnunar, þar sem 11 ný störf ráðgjafa og teymisstjóra í tilefni af innleiðingu aðgerða til eflingar læsis, sé gert ráð fyrir að störfin séu öll staðsett á höfuðborgarsvæðinu. Nefndin vill nota tækifærið og minna á þriðju grein þingsályktunar um stefnumótandi byggðaáætlun fyrir árin 2014-2017 þar sem fram kemur það markmið "að stuðlað verði að fjölbreyttum atvinnutækifærum um allt land með dreifingu starfa á vegum ríkisins". Aðgerðir til þessa séu m.a. að "stefnt verði að því að á gildistíma áætlunarinnar snúist fækkun opinberra starfa utan höfuðborgarsvæðisins í fjölgun með nýjum verkefnum eða tilflutningi verkefna."

Í tilfelli læsisverkefnisins hlýtur að vera einboðið að hluti starfsfólks sé staðsettur á landsbyggðinni í námunda við þá nemendur, kennara og skólastjórnendur sem eru þátttakendur í verkefninu.

4.Verkefni atvinnufulltrúa

Málsnúmer 2015070006Vakta málsnúmer

Albertína Friðbjörg Elíasdóttir atvinnufulltrúi fór yfir helstu atriði í störfum sínum frá síðasta fundi.

Fundi slitið - kl. 17:30.