Afgreiðslufundur skipulagsstjóra

498. fundur 25. júní 2014 kl. 14:00 - 15:15 Fundarherbergi skipulagsdeild
Nefndarmenn
  • Pétur Bolli Jóhannesson skipulagsstjóri
  • Ólafur Jakobsson fundarritari
Dagskrá

1.Hafnarstræti/Torgið - umsókn um ritvagn

Málsnúmer 2014060177Vakta málsnúmer

Erindi dagsett 23. júní 2014 þar sem Árni Steinsson f.h. Votta Jehóva á Akureyri kt. 650391-1449 sækir um leyfi fyrir staðsetningu lítils ritvagns í miðbæ Akureyrar í sumar þegar veður leyfir. Ekki er um sölustarfsemi að ræða. Meðfylgjandi eru myndir.

Skipulagsstjóri samþykkir erindið. Staðsetning ritvagns skal ekki skyggja á glugga verslunareiganda á svæðinu eða vera til ama vegna annarrar leyfisveittrar starfsemi.

2.Jaðarstún 17-19 - umsókn um byggingarleyfi

Málsnúmer 2014050103Vakta málsnúmer

Erindi dagsett 19. maí 2014 þar sem Þröstur Sigurðsson f.h. Byggingarfélagsins Hyrnunnar ehf., kt. 710594-2019, sækir um byggingarleyfi við Jaðarstún 17-19. Meðfylgjandi eru teikningar og gátlisti eftir Þröst Sigurðsson. Innkomnar teikningar 19. júní 2014.

Skipulagsstjóri samþykkir erindið. Umsækjandi greiði kostnað vegna færslu á götugögnum, ef með þarf.

3.Kotárgerði 29 - umsókn um byggingarleyfi

Málsnúmer 2014050071Vakta málsnúmer

Erindi dagsett 12. maí 2014 þar sem Fanney Hauksdóttir f.h. Margrétar Jónsdóttur kt. 051061-5279 sækir um að núgildandi teikningar verði ógiltar og húsið skráð sem ein eign. Innkomnar teikningar 20. júní 2014 eftir Fanney Hauksdóttur.

Skipulagsstjóri samþykkir erindið.

4.Tengir - framkvæmdaleyfi fyrir ljósleiðara

Málsnúmer 2014040120Vakta málsnúmer

Erindi dagsett 25. júní 2014 frá Gunnari Birni Þórhallssyni þar sem hann f.h. Tengis hf., kt. 660702-2880, óskar eftir útgáfu framkvæmdaleyfis sbr. bókun skipulagsnefndar 14. maí 2014. Um er að ræða framkvæmdir við Dvergagil, Mýrarveg neðan Birkilundar, Mýrarveg/Hörpulund, Aðalstræti/Hafnarstræti og Hamarsstíg/Oddeyrargötu samkvæmt meðfylgjandi teikningum. Meðfylgjandi er staðfesting á samráði við framkvæmdadeild og Norðurorku.

Skipulagsstjóri samþykkir að gefa út framkvæmdaleyfi fyrir ofantalin verk. Framkvæmdir skulu gerðar í samræmi við verklagsreglur Akureyrarbæjar um yfirborðsfrágang í bæjarlandinu. Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur. Framkvæmdaleyfið gildir í eitt ár frá útgáfu leyfis og gildir einungis fyrir svæði utan íbúðarhúsalóða og annarra úthlutaðra lóða.

5.Norðurgata 5-7 - skil á lóð

Málsnúmer 2013090050Vakta málsnúmer

Erindi dagsett 18. júní 2014 þar sem Heiðar Rögnvaldsson f.h. Trésmiðjunnar Aspar sf, kt. 590279-0219, óskar eftir því að skila lóð nr. 5 við Norðurgötu og fá endurgreidd lóðargjöld.

Skipulagsstjóri samþykkir erindið. Gatnagerðargjald er endurgreitt í samræmi við 9. gr. gjaldskrár gatnagerðargjalda. Umsækjandi skal hafa samband við fjárreiðudeild Akureyrarkaupstaðar vegna endurgreiðslunnar.

6.Strandgata 12, Hof - umsókn um skilti

Málsnúmer 2014060117Vakta málsnúmer

Erindi dagsett 12. júní 2014 þar sem Anna Heba Hreiðarsdóttir f.h. Menningarfélagsins Hofs kt. 670409-0740 sækir um leyfi fyrir auglýsingarflöggum á ljósataura norðan og sunnan húss. Meðfylgjandi eru myndir af staðsetningu stauranna. Innkomnar nánari upplýsingar þann 20. júní 2014.

Skipulagsstjóri samþykkir erindið þar sem hæð undir auglýsingarflögg er 2,35 m.

Fundi slitið - kl. 15:15.