Afgreiðslufundur skipulagsstjóra

372. fundur 09. nóvember 2011 kl. 13:00 - 14:10 Fundarherbergi skipulagsdeild
Nefndarmenn
  • Pétur Bolli Jóhannesson skipulagsstjóri
  • Leifur Þorsteinsson
  • Ólafur Jakobsson
  • Stefanía G Sigmundsdóttir fundarritari
Fundargerð ritaði: Stefanía Sigmundsdóttir
Dagskrá

1.Tryggvabraut 3 - fyrirspurn um viðbyggingu

Málsnúmer 2011110001Vakta málsnúmer

Erindi dagsett 31. október 2011 þar sem Valdimar Harðarson f.h. N1 hf., kt. 540206-2010, leggur inn fyrirspurn um hvort byggingarleyfi fáist fyrir viðbyggingu við atvinnuhúsnæði að Tryggvabraut 3. Meðfylgjandi eru nánari skýringar í bréfi og teikningar.
Skipulagsstjóri tekur jákvætt í fyrirspurnina og bendir á að samþykki lóðarhafa í Tryggvabraut 1 þarf að fylgja byggingarleyfisumsókninni.

2.Tjarnartún 31 - umsókn um byggingarleyfi

Málsnúmer 2011110026Vakta málsnúmer

Erindi dagsett 7. nóvember 2011 þar sem Gunnar Þórarinsson sækir um byggingarleyfi fyrir nýbyggingu á lóð nr. 31 við Tjarnartún. Meðfylgjandi eru teikningar og gátlisti eftir Svein Valdimarsson.

Skipulagsstjóri gerir alvarlegar athugasemdir við innra skipulag hússins, sbr. grein 103.1 í byggingarreglugerð. Óskað er eftir að innra skipulag hússins verði endurskoðað í samræmi við fyrrnefnda grein. Einnig er bent á að hönnun er ekki í samræmi við greinar 80.7 og 93.2. Auk þess er gerð athugasemd við umfang og staðsetningu eldhúss, stærð bílgeymslu og anddyris sem ekki er í samræmi við herbergjafjölda hússins. 

3.Mánahlíð 4 - umsókn um byggingarleyfi

Málsnúmer 2011080084Vakta málsnúmer

Erindi dagsett 23. ágúst 2011 þar sem Árni G. Kristjánsson f.h. Byrs hf., kt. 620410-0200, og Maríu Bjarkar Guðmundsdóttur sækir um byggingarleyfi fyrir breytingum á húsinu nr. 4 við Mánahlíð. Meðfylgjandi eru teikningar eftir Árna G. Kristjánsson dagsettar 8. ágúst 2011. Innkomnar nýjar teikningar og skriflegt samþykki eiganda Mánahlíðar 2 mótteknar 3. nóvember 2011.

Skipulagsstjóri samþykkir erindið.  

Fundi slitið - kl. 14:10.