Afgreiðslufundur skipulagsstjóra

350. fundur 01. júní 2011 kl. 13:00 - 14:40 Fundarherbergi skipulagsdeild
Nefndarmenn
  • Leifur Þorsteinsson staðgengill skipulagsstjóra
  • Ólafur Jakobsson
  • Stefanía G Sigmundsdóttir fundarritari
Fundargerð ritaði: Leifur Kristján Þorsteinsson verkefnastjóri
Dagskrá

1.Hlíðarfjallsvegur 215098 - flokkunarstöð gámaþjónustu

Málsnúmer BN100254Vakta málsnúmer

Erindi dagsett 6. maí 2011 þar sem Bjarni Reykjalín f.h. Gámaþjónustu Norðurlands ehf., kt. 481287-1039, sækir um byggingarleyfi til að byggja áfanga 2 við Hlíðarfjallsveg 215098 (stoðveggi og gólfplötu). Meðfylgjandi eru teikningar og gátlisti eftir Bjarna Reykjalín. Innkomnar nýjar teikningar 20. maí 2011.

Staðgengill skipulagsstjóra frestar afgreiðslu með vísan í athugasemdir á fylgiblaði.

2.Hvannavellir 14 - umsókn um byggingarleyfi fyrir veitingastað

Málsnúmer 2011050120Vakta málsnúmer

Erindi dagsett 19. maí 2011 þar sem Haraldur Árnason f.h. Veisluþjónustunnar ehf., kt. 680502-2850, sækir um leyfi til að innrétta veitingastað að Hvannavöllum 14. Meðfylgjandi eru teikningar eftir Harald Árnason.
Staðgengill skipulagsstjóra frestar afgreiðslu með vísan í athugasemdir á fylgiblaði.

3.Spónsgerði 2 - umsókn um byggingarleyfi fyrir viðbyggingu

Málsnúmer 2011040036Vakta málsnúmer

Erindi dagsett 5. apríl 2011 þar sem Bjarni Reykjalín f.h. Ragnars Ásmundssonar og Guðrúnar Þórsteinsdóttur óskar eftir byggingarleyfi fyrir viðbyggingu við hús þeirra nr. 2 við Spónsgerði. Meðfylgjandi eru teikningar eftir Bjarna Reykjalín dagsettar 5. apríl 2011. Innkomnar nýjar teikningar 1. júní 2011.

Staðgengill skipulagsstjóra samþykkir erindið.

4.Bjarmastígur 6 - umsókn um byggingarleyfi fyrir stækkun svala

Málsnúmer 2011050141Vakta málsnúmer

Erindi dagsett 25. maí 2011 þar sem Bergur Steingrímsson f.h. Arnar Þórðarsonar og Ingibjargar Eyjólfsdóttur sækir um byggingarleyfi fyrir stækkun á svölum og leggur einnig inn nýjar raunteikningar af Bjarmastíg 6. Meðfylgjandi eru teikningar og gátlisti eftir Berg Steingrímsson.

Staðgengill skipulagsstjóra frestar afgreiðslu með vísan í athugasemdir á fylgiblaði.

5.Glerárgata 34 - umsókn um breytingar

Málsnúmer BN110027Vakta málsnúmer

Erindi dagsett 2. febrúar 2011 þar sem Árni Árnason f.h. Raftákns ehf., kt. 661076-0119, sækir um byggingarleyfi fyrir breytingum á 2. og 3. hæð að Glerárgötu 34. Meðfylgjandi er gátlisti og teikning eftir Ágúst Hafsteinsson, einnig skriflegt samþykki meðeigenda. Innkomin umsögn frá Vinnueftirlitinu 9. febrúar 2011. Innkomnar nýjar teikningar 24. maí 2011.

Staðgengill skipulagsstjóra samþykkir erindið.

6.Sörlaskjól 9 - umsókn um byggingarleyfi fyrir hesthús

Málsnúmer 2011040070Vakta málsnúmer

Erindi dagsett 31. maí þar sem Sigurður B. Björnsson sækir um að vera byggingarstjóri við nýbyggingu hesthúss við Sörlaskjól 9. Meðfylgjandi er staðfesting á tryggingu og starfsleyfi byggingarstjóra.

Staðgengill skipulagsstjóra samþykkir erindið.

7.Strandgata 49 - umsókn um leyfi fyrir 3-4 lausum skiltum

Málsnúmer 2011050171Vakta málsnúmer

Erindi dagsett 31. maí 2011 þar sem Sigurbjörg Níelsdóttir f.h. FAB Travel ehf., kt. 580504-5040, sækir um að setja upp 3-4 A skilti framan við húsið að Strandgötu 49 og við tjörnina.

Staðgengill skipulagsstjóra gefur samþykki fyrir einu lausaskilti upp við hús. Staðsetning og skilmálar koma fram í grein 3.4.2 í reglugerð um skilti í lögsögu Akureyrar. Einnig er fallist á uppsetningu á tveim viðburðaskiltum sem eingöngu gefa upplýsingar um ferðir í boði og skulu eingöngu vera uppsett á komutíma skemmtiferðaskipa.

8.Strandgata 49 - umsókn um leyfi fyrir merki og skilti á húsið

Málsnúmer 2011050170Vakta málsnúmer

Erindi dagsett 31. maí 2011 þar sem Sigurbjörg Níelsdóttir f.h. FAB Travel ehf., kt. 580504-5040, sækir um að setja upp 40 sentimetrar x 10 metra skilti framan á Strandgötu 49 til upplýsingar um fyrirtækið og einnig að mála upplýsingamerki á þakið. Meðfylgjandi er ljósmynd.

Staðgengill skipulagsstjóra getur fallist á skilti sem er 40 sentimetrar x 7 metrar en hafnar merkingu á þak.

9.Hlíðarfjallsvegur 7-13 - umsókn um bráðabirgða ökugerði

Málsnúmer 2011050048Vakta málsnúmer

Erindi dagsett 25. maí 2011 þar sem Sigurður Ágústsson f.h. Bílaklúbbs Akureyrar, kt. 660280-0149, sækir um leyfi til að gera ökugerði og bílastæði á svæði félagsins við Hlíðarfjallsveg 7-13 skv. meðfylgjandi teikningu.

Staðgengill skipulagsstjóra samþykkir erindið.

10.Hafnarstræti 99-101 - umsókn um breytingar

Málsnúmer BN090196Vakta málsnúmer

Erindi dagsett 31. janúar 2011 þar sem Guðmundur Gestsson f.h. Sjóskoðunar ehf., kt. 571197-6349, óskar eftir að erindi hans um breytingar á Hafnarstræti 101 3. hæð verði tekið fyrir þó að samþykki eiganda 4. hæðar liggi ekki fyrir. Meðfylgjandi eru þrjú fylgiskjöl og bréf með nánari skýringum.
Fyrir liggur minnisblað bæjarlögmanns um erindið.

Með vísan til 3. mgr. 21. gr fjöleignarhúsalaga verður að bera undir alla eigendur fjöleignar-hússins að Hafnarstræti 101, ef  skipta á séreign í sjálfstæðar notkunareiningar. Ef slíkt samþykki fæst frá öllum eigendum og byggingaryfirvöld samþykkja breytingarnar verður jafnframt að gera nýja eignaskiptayfirlýsingu, sem allir eigendur verða að undirrita, og þinglýsa henni til að sýslumaður þinglýsi eignayfirfærslu.

Staðgengill skipulagsstjóra getur því ekki orðið við erindinu.

11.Víðivellir 18 - umsókn um byggingarleyfi fyrir garðhús

Málsnúmer 2011050167Vakta málsnúmer

Erindi dagsett 31. maí 2011 þar sem Ólafur Þ. Ármannsson sækir um bygginarleyfi fyrir garðhúsi á lóð sinni að Víðivöllum 8. Meðfylgjandi er bréf með nánari skýringum og afstöðumynd.

Staðgengill skipulagsstjóra samþykkir erindið.

12.Duggufjara 12 - umsókn um byggingarleyfi fyrir steyptri verönd og veggjum

Málsnúmer 2011050153Vakta málsnúmer

Erindi dagsett 27. maí 2011 þar sem Gunnlaugur Kristinsson og Björk Þorsteinsdóttir óska eftir byggingarleyfi til að byggja steypta verönd og skjólveggi við hús sitt að Duggufjöru 12. Meðfylgjandi er afstöðumynd eftir Ingvar Ívarsson.

Staðgengill skipulagsstjóra samþykkir erindið.

13.Strandgata 49 - umsókn um byggingarleyfi fyrir palli við götuna

Málsnúmer 2011050172Vakta málsnúmer

Erindi dagsett 31. maí 2011 þar sem Sigurbjörg Níelsdóttir f.h. FAB Travel ehf., kt. 580504-5040, sækir um að byggja pall sunnan við Strandgötu 49, 8-12cm háan og 3-4m x 8-10m að stærð. Meðfylgjandi eru ljósmyndir.

Staðgengill skipulagsstjóra í samráði við framkvæmdadeild getur ekki samþykkt leyfi til að byggja pall á gangstétt utan lóðar en heimilar umsækjanda að nýta umbeðinn hluta gangstéttarinnar á opnunartíma. Gæta skal að því að frí gönguleið á gangstétt sé a.m.k. tveir metrar.

14.Brekkugata 43 - umsókn um endurbætur

Málsnúmer 2011050137Vakta málsnúmer

Erindi dagsett 25. maí 2011 þar sem Ármann Ketilsson sækir um að vera byggingarstjóri við endurbætur að Brekkugötu 43.

Staðgengill skipulagsstjóra samþykkir erindið.

Fundi slitið - kl. 14:40.