Afgreiðslufundur byggingarfulltrúa

760. fundur 27. febrúar 2020 kl. 13:00 - 13:40 Fundarherbergi skipulagssviðs
Nefndarmenn
  • Leifur Þorsteinsson byggingarfulltrúi
  • Björn Jóhannsson
Starfsmenn
  • Stefanía G Sigmundsdóttir fundarritari
Fundargerð ritaði: Stefanía Sigmundsdóttir
Dagskrá

1.Rangárvellir 4 - breytt notkun

Málsnúmer 2018100184Vakta málsnúmer

Erindi dagsett 11. október 2018 þar sem Sigurður Sigurðsson fyrir hönd SS Byggis ehf., kt. 620687-2519, sækir um breytta notkun fyrir Rangárvelli 4.
Akureyrarbær hefur nú samþykkt breytingu á deiliskipulagi svæðisins.

Byggingarfulltrúi tekur jákvætt í erindið en bendir á að sækja þarf um breytta notkun með tilskyldum teikningum og gögnum af húsinu miðað við umbeðna starfsemi og í samræmi við deiliskipulagsskilmála.

2.Hjalteyrargata 20 - umsókn um byggingaráform og byggingarleyfi

Málsnúmer 2020020368Vakta málsnúmer

Erindi dagsett 11. febrúar 2020 þar sem Kári Magnússon fyrir hönd Slippsins Akureyri ehf., kt. 511005-0940, sækir um byggingarleyfi fyrir breytingum innanhúss á 3. hæð í mhl. 01 í Hjalteyrargötu 20. Meðfylgjandi eru teikningar eftir Kára Magnússon.
Byggingarfulltrúi frestar afgreiðslu með vísan til athugasemda í skoðunarskýrslu.

3.Hafnarstræti 17 - umsókn um byggingarleyfi

Málsnúmer 2020020563Vakta málsnúmer

Erindi dagsett 20. febrúar 2020 þar sem Kári Magnússon fyrir hönd Ragnars Freys Steinþórssonar sækir um byggingarleyfi fyrir breytingum á húsi nr. 17 við Hafnarstræti. Fyrirhugað er að breyta innra skipulagi og setja svalir á suðurhlið ásamt stiga niður á lóð.
Byggingarfulltrúi frestar afgreiðslu með vísan til athugasemda í skoðunarskýrslu.

4.Múlasíða 28 - fyrirspurn vegna byggingar sólskála

Málsnúmer 2020020615Vakta málsnúmer

Erindi dagsett 23. febrúar 2020 þar sem Þórir Guðmundsson leggur inn fyrirspurn vegna byggingar á sólskála við hús nr. 28 við Múlasíðu á lóðinni Múlasíðu 20-28. Meðfylgjandi eru teikningar.
Byggingarfulltrúi tekur jákvætt í erindið þar sem gert er ráð fyrir sólskálanum á samþykktum aðaluppdráttum.

5.Hafnarstræti 96 - umsókn um breytingar

Málsnúmer BN100280Vakta málsnúmer

Erindi dagsett 4. maí 2016 þar sem Þröstur Sigurðsson fyrir hönd Gersema Þrastar ehf., kt. 520556-0289, sækir um breytingar á áður samþykktum teikningum. Meðfylgjandi eru teikningar eftir Þröst Sigurðsson ásamt minnisblaði brunahönnuðar. Innkomnar nýjar teikningar 27. febrúar 2020.
Byggingarfulltrúi samþykkir erindið.

Fundi slitið - kl. 13:40.