Afgreiðslufundur byggingarfulltrúa

Erindi dagsett 17. janúar 2020 þar sem Jón Stefán Einarsson fyrir hönd Unique Chillfresh Iceland ehf., kt. 510414-1280, sækir um breytingar á áður samþykktum teikningum af húsi nr. 1 við Móasíðu. Fyrirhugað er að fjölga herbergjum í þremur íbúðum. Meðfylgjandi eru teikningar eftir Jón Stefán Einarsson. Innkomnar nýjar teikningar 4. febrúar 2020.

Erindi dagsett 24. september 2019 þar sem Valþór Brynjarsson fyrir hönd Vesturkants ehf., kt. 541008-0630, sækir um byggingarleyfi fyrir breytingum á húsi nr. 33 við Strandgötu. Sótt er um að breyta innra skipulagi á rishæð, breyta þaki á stigauppgöngu að norðan og útbúa svalir á vesturgafl. Meðfylgjandi eru teikningar eftir Valþór Brynjarsson og umsögn Minjastofnunar Íslands. Erindið var grenndarkynnt og afgreitt jákvætt af skipulagsráði.

Innkomin leiðrétt gögn 5. febrúar 2020.

Erindi dagsett 20. desember 2019 þar sem Svava Björk Bragadóttir fyrir hönd EF1 hf., kt. 681113-0960, sækir um byggingarleyfi fyrir breytingum í húsi nr. 1 við Gleráreyrar. Fyrirhugaðar eru breytingar á aðstöð húsvarða og sameiginlegum starfsmannarýmum norðan rýma 29-30 vegna annarra breytinga í húsinu. Bætt verður við glugga á norðurhlið. Meðfylgjandi er teikning eftir Svövu Björk Bragadóttur. Innkomnar ný teikning 24. janúar 2020.

Erindi dagsett 31. janúar 2020 þar sem Rahim Hamarostami sækir um stöðuleyfi fyrir gám eða geymsluskúr fyrir matvæli (ekki kælivöru) bak við hús nr. 2 við Skipagötu. Stærðin yrði um 1,5-2 x 3m. Meðfylgjandi er mynd sem sýnir staðsetningu.

Erindi dagsett 9. janúar 2020 þar sem Valþór Brynjarsson fyrir hönd Akureyrarbæjar, kt. 410169-6229, sækir um byggingarleyfi fyrir byggingu leikskóla við Höfðahlíð. Meðfylgjandi eru teikningar eftir Valþór Brynjarsson.