Afgreiðslufundur byggingarfulltrúa

628. fundur 21. apríl 2017 kl. 13:00 - 15:10 Fundarherbergi skipulagsdeild
Nefndarmenn
  • Bjarki Jóhannesson byggingarfulltrúi
  • Leifur Þorsteinsson
  • Björn Jóhannsson
Starfsmenn
  • Stefanía G Sigmundsdóttir fundarritari
Fundargerð ritaði: Stefanía Sigmundsdóttir
Dagskrá

1.Davíðshagi 12 - umsókn um byggingarleyfi

2017030603

Erindi dagsett 30. mars 2017 þar sem Tryggvi Tryggvason fyrir hönd B.E. Húsbygginga ehf., kt. 490398-2529, sækir um byggingarleyfi fyrir hús nr. 12 við Davíðshaga. Meðfylgjandi eru teikningar eftir Tryggva Tryggvason. Innkomnar nýjar teikningar 12. apríl 2017.
Byggingarfulltrúi frestar afgreiðslu með vísan til athugasemda á fylgiblaði.

2.Óseyri 1 - umsókn um leyfi fyrir breytingum inni

2013100195

Erindi dagsett 18. október 2013 þar sem Anton Örn Brynjarsson, fyrir hönd Karatefélags Akureyrar, kt. 711008-1440, sækir um leyfi fyrir breytingum innanhúss á húsi nr. 1 við Óseyri. Meðfylgjandi eru gátlisti, tilkynning um hönnunarstjóra og teikningar eftir Anton Örn Brynjarsson. Innkomnar nýjar teikningar 7. apríl 2017.
Byggingarfulltrúi samþykkir erindið.

3.Kambsmýri 8 - umsókn um stækkun á bílastæði

2017040103

Erindi dagsett 18. apríl 2017 þar sem Sigurður Hjaltason, kt. 140463-3719, sækir um leyfi til að stækka bílastæði og úrtöku úr kantsteini við hús nr. 8 við Kambsmýri. Meðfylgjandi er skýringarmynd.
Byggingarfulltrúi getur ekki fallist á umbeðna stækkun, en samþykkir 6 metra breitt stæði með 7 metra úrtaki í kantstein. Frágangur á lóðamörkum verði gerður í samráði við nágranna. Umsækjandi greiði kostnað vegna færslu á götugögnum, ef með þarf.

4.Skútagil 3, íb. 201 - fyrirspurn

2017040117

Erindi dagsett 21. apríl 2017 þar sem Sveinmar Stefánsson, kt. 300188-3039, leggur inn fyrirspurn hvort leyfi fáist til að setja upp stiga í stofu húss nr. 3 við Skútagil. Sameina á stofu og eldhús til að skapa rými fyrir stiga. Ætlunin er að komast að auknu geymsluplássi á millilofti. Meðfylgjandi eru teikningar.
Byggingarfulltrúi telur að umbeðið fyrirkomulag rýri notagildi stofunnar og að hægt væri að leysa málið á betri hátt. Byggingarfulltrúi bendir á að sækja þarf um byggingarleyfi fyrir breytingunni.

5.Drottningarbraut, Litli-Garður - umsókn um byggingarleyfi

2013040088

Erindi dagsett 18. apríl 2017 þar sem Guðríður Friðriksdóttir fyrir hönd umhverfis- og mannvirkjasviðs Akureyrarbæjar, kt. 410169-6229, sækir um endurnýjun á samþykktum byggingaráformum frá 26. mars 2015 vegna breytinga á hlöðunni í Litla-Garði við Drottningarbraut.
Byggingarfulltrúi samþykkir erindið.

6.Hafnarstræti 71 - umsókn um breytingar á 1. hæð

2017040069

Erindi dagsett 7. apríl 2017 þar sem Björgvin Smári Jónsson fyrir hönd Molbúans ehf., kt. 630516-1290, sækir um leyfi fyrir breytingum á 1. hæð húss nr. 71 við Hafnarstræti. Sótt er um að sameina rýmin á 1. hæð í eitt. Meðfylgjandi eru teikningar eftir Fanneyju Hauksdóttur.
Byggingarfulltrúi frestar afgreiðslu með vísan til athugasemda á fylgiblaði.

7.Hamarstígur 30 - umsókn um byggingarleyfi

2017020118

Erindi dagsett 21. febrúar 2017 þar sem Sæmundur Óskarsson fyrir hönd Svartra fata ehf., kt. 690102-4550, sækir um byggingarleyfi fyrir hækkun og endurgerð þaks á húsi nr. 30 við Hamarstíg og breytingum innanhúss á 2. hæð. Klæða á húsið að utan, einangra, skipta um glugga og útihurðir. Meðfylgjandi eru teikningar eftir Sæmund Óskarsson.
Byggingarfulltrúi frestar afgreiðslu með vísan til athugasemda á fylgiblaði.

8.Glerárgata 32 - umsókn um byggingaleyfi, Lemon

2017040013

Erindi dagsett 3. apríl 2017 þar sem Haraldur Árnason fyrir hönd G32 fasteigna ehf., kt. 590516-1040, sækir um byggingarleyfi til að innrétta veitingasal á 1. hæð í húsi nr. 32 við Glerárgötu. Meðfylgjandi eru teikningar eftir Harald Árnason.
Byggingarfulltrúi frestar afgreiðslu með vísan til athugasemda á fylgiblaði.

9.Gránufélagsgata 4 - umsókn um breytingar á innra skipulagi

2017040047

Erindi dagsett 6. apríl 2017 þar sem Ingólfur Guðmundsson fyrir hönd RS fasteigna ehf., kt. 701213-0170, sækir um leyfi fyrir breytingum á innra rými húss nr. 4 við Gránufélagsgötu. Loka á milli rýma 0101 og 0103, gluggar verða opnaðir á ný á suður- og austurhlið hússins. Þá skal leiðrétta þau mistök í eignaskiptum er snúa að sameign hússins. Meðfylgjandi eru teikningar eftir Valþór Brynjarsson.
Byggingarfulltrúi frestar afgreiðslu með vísan til athugasemda á fylgiblaði.

10.Gleráreyrar 1 rými 01 - umsókn um leyfi fyrir breytingum, Kaffi Torg

2017030604

Erindi dagsett 30. mars 2017 þar sem Ingólfur Guðmundsson fyrir hönd EF1 ehf., kt. 681113-0960, sækir um leyfi fyrir breytingum á rými 01 í húsi nr. 1 við Gleráreyrar. Sótt er um að stækka rýmið um 17 m² til suðurs og endurnýjun á lofti. Meðfylgjandi eru teikningar eftir Loga Má Einarsson.
Byggingarfulltrúi samþykkir erindið.

11.Daggarlundur 9 - umsókn um byggingarleyfi

2017030187

Erindi dagsett 17. mars 2017 þar sem Haraldur Árnason fyrir hönd Hildar Ingólfsdóttur, kt. 280460-5839, sækir um byggingarleyfi fyrir húsi nr. 9 við Daggarlund. Meðfylgjandi eru teikningar eftir Harald Árnason. Innkomnar nýjar teikningar 5. apríl 2017.
Byggingarfulltrúi frestar afgreiðslu með vísan til athugasemda á fylgiblaði.

12.Rangárvellir 2 - spennistöð, tilkynnt framkvæmd

2017010564

Erindi dagsett 24. janúar 2017 þar sem Tryggvi Tryggvason fyrir hönd Norðurorku ehf., kt. 550978-0169, tilkynnir fyrirhugaða framkvæmd, sem er bygging spennistöðvar undir 15 m², á lóðinni Rangárvellir 2. Meðfylgjandi eru aðal- og sérteikningar eftir Tryggva Tryggvason. Innkomnar nýjar teikningar 14. mars 2017 og 11. apríl 2017.
Byggingarfulltrúi hefur móttekið tilkynningu um framkvæmdina og staðfestir að hún samræmist skipulagsáætlunum og sé innan þeirra marka sem tilgreind eru í gr. 2.3.5. byggingarreglugerðar.

Tilkynna skal til skipulagssviðs þegar framkvæmd er lokið og skila lýsingu í samræmi við 5. málsgrein greinar 2.3.6. í byggingarreglugerð.

13.Davíðshagi 10 - umsókn um byggingarleyfi

2017030101

Erindi dagsett 8. mars 2017 þar sem Haraldur Árnason fyrir hönd Trétaks ehf., kt. 551087-1239, sækir um byggingarleyfi á húsi nr. 10 við Davíðshaga. Meðfylgjandi eru teikningar eftir Harald Árnason. Innkomnar nýjar teikningar 11. apríl og 21. apríl 2017.
Byggingarfulltrúi samþykkir erindið.

14.Gleráreyrar 1, rými 43 - umsókn um byggingarleyfi

2017030618

Erindi dagsett 31. mars 2017 þar sem Jóhannes Þórðarson fyrir hönd EF1 hf., kt. 681113-0960, sækir um byggingarleyfi til að innrétta lyfjaverslun í rými 43 í húsi nr. 1 við Gleráreyrar. Meðfylgjandi eru teikningar eftir Jóhannes Þórðarson. Innkomnar nýjar teikningar 21. apríl 2017.
Byggingarfulltrúi samþykkir erindið.

15.Tryggvabraut 18-20 - umsókn um stöðuleyfi fyrir gám fyrir gaskúta

2017030617

Erindi dagsett 30. mars 2017 þar sem Anna Margrét Hauksdóttir fyrir hönd N1 hf., kt. 540206-2010, sækir um stöðuleyfi fyrir gám fyrir gaskúta á lóð nr. 18-20 við Tryggvabraut. Meðfylgjandi er skýringarmynd og greinargerð brunatæknilegs öryggis. Fyrir liggur umsögn slökkviliðs dagsett 18. apríl 2017.
Byggingarfulltrúi hafnar erindinu þar sem ekki er hægt að fallast á þá fækkun bílastæða sem tillagan gerir ráð fyrir og með vísun til neikvæðrar umsagnar slökkviliðs.

Fundi slitið - kl. 15:10.