Þórhallur Jónsson

Sjálfstæðisflokkur
thorhallur@akureyri.isÞórhallur Jónsson

Þórhallur Jónsson er fæddur í Hafnarfirði 24. maí 1966 en fluttist norður eins árs gamall. Hann er lærður rafeindavirki en á í dag Pedromyndir, ljósmyndavöruverslun sem hann rekur ásamt eiginkonu sinni, Ingu Vestmann. Það hafa þau gert í 17 ár en þar hafa þau þó starfað í um 35 ár. Þau hjónin eiga þrjú uppkomin börn.

Þórhallur hefur tekið þátt í ýmsu félagsstarfi í gegnum tíðina. Hann var einn af stofnendum Áhugaljósmyndaklúbbs Akureyrar árið 1991 og gegndi stöðu gjaldkera klúbbsins í 26 ár eða til ársins 2018. Hann gegndi formennsku Sjálfstæðisfélags Akureyrar frá 2016-2018. Einnig var hann varamaður í Atvinnumálanefnd 2014-2015 og varamaður í stjórn Akureyrarstofu frá 2016-2018. Þórhallur hefur mikinn áhuga á uppbyggingu Akureyrar þá sérstaklega miðbæjarins á Akureyri og er hann formaður Miðbæjarsamtakanna og situr í stjórn Kaupmannasamtaka Akureyrar.

Nefndir, ráð og stjórnir 2018-2022

  • Bæjarstjórn
  • Bæjarráð – varafulltrúi 2018-2019
  • Skipulagsráð - aðalfulltrúi frá júní 2018 og formaður frá 6. október 2020
  • Eyþing, samtök sv.fél. í Eyjaf. og Þing. – varafulltrúi á aðalfundum til ársloka 2019
  • Hafnasamlag Norðurlands - fulltrúi í stjórn frá 3. desember 2019
  • Norðurorka hf. - varafulltrúi  í stjórn 2019-2020
  • Samtök sveitarfélaga og atvinnuþróunar á Norðurlandi eystra - varafulltrúi á ársþingum frá 2. júní 2020
  • Svæðisskipulagsnefnd Eyjafjarðar – varafulltrúi til 1. desember 2020 og aðalfulltrúi frá sama tíma
Síðast uppfært 21. janúar 2021