Gunnar Gíslason

Gunnar GíslasonSjálfstæðisflokkur
gunnarg@akureyri.is

Gunnar er fæddur í Reykjavík 26. júlí 1958. Hann bjó í Hafnarfirði til ársins 1970 en fluttist þá til Akureyrar. Gunnar er stúdent frá Menntaskólanum á Akureyri 1978 og útskrifaðist frá Kennaraháskóla Íslands 1982. Gunnar útskrifaðist með meistaragráðu í stjórnun frá Háskólanum á Akureyri 2015 og hefur auk þess sinnt stundakennslu við skólann.

Gunnar var grunnskólakennari í 6 ár, m.a. í Glerárskóla á Akureyri, og skólastjóri í Valsárskóla á Svalbarðsströnd í 12 ár. Gunnar sat í sveitarstjórn Svalbarðsstrandahrepps 1990-1998, þar af oddviti á árunum 1994-1998. Gunnar var fræðslustjóri á Akureyri á árunum 1999-2014, með yfirstjórn leik-, grunn- og tónlistarskóla. Gunnar hefur setið í bæjarstjórn Akureyrar frá 2014 og auk þess setið í bæjarráði, umhverfis- og mannvirkjaráði, stjórn LSA, stjórn Norðurorku og kjarasamninganefnd.

Árið 2014 stofnaði Gunnar ráðgjafafyrirtækið StarfsGæði ehf og hefur í gegnum það sinnt fjölmörgum verkefnum sem snúa að rekstri og faglegu starfi leik- og grunnskóla í mörgum sveitarfélögum ásamt úttektum á stjórnsýslu. Gunnar hefur setið í mörgum stjórnum og nefndum um skóla- og sveitarstjórnarmál og sinnt fjölþættum verkefnum um stjórnsýslu og menntamál.

Gunnar var formaður blakdeildar KA 2000-2002 og varaformaður aðalstjórnar KA sama tímabil. Gunnar var formaður Ungmennafélags Akureyrar á árunum 2011-2014. Hann var um árabil sjálfboðaliði í Laut á Akureyri, sem er athvarf fyrir fólk með geðraskanir.

Eiginkona Gunnars er Yrsa Hörn Helgadóttir, leik- og grunnskólakennari. Samtals eiga þau sjö börn; Helgu Björk, Kristbjörgu, Jöru Sól, Ástu Fanneyju, Kolbein Höð, Melkorku Ýrr og Iðunni Rán og eitt barnabarn; Kristjönu Bellu.

Nefndir, ráð og stjórnir 2018-2022

  • Bæjarstjórn
  • Bæjarráð 2018-2019 og 2019-2020
  • Umhverfis- og mannvirkjaráð
  • Kjarasamninganefnd
  • Stjórn Norðurorku 2018-2019
  • Öldungaráð 2018-2019
  • Eyþing, samband sveitarfélaga í Eyjafirði og Þingeyjarsýslum – fulltrúi á aðalfundum
  • Eyþing - varamaður í stjórn
  • Lífeyrissjóður starfsmanna Akureyrarkaupstaðar - stjórn
  • Samband íslenskra sveitarfélaga - fulltrúi á landsþingum

Nefndir, ráð og stjórnir 2014-2018

  • Bæjarstjórn
  • Bæjarráð
  • 2. varaforseti bæjarstjórnar
  • Kjarasamninganefnd
  • Skólanefnd - varamaður 01.09. 2015 til 03.01. 2017
  • Umhverfis- og mannvirkjaráð frá 03.01. 2017
  • Öldungaráð - frá 17.11. 2015
  • Stjórn Norðurorku 2017-2018
  • Eyþing, samband sveitarfélaga í Eyjafirði og Þingeyjarsýslum - fulltrúi á aðalfundum
  • Eyþing - varamaður í stjórn 2014-2016
  • Lífeyrissjóður starfsmanna Akureyrarkaupstaðar - stjórnarmaður
  • Samband íslenskra sveitarfélaga - fulltrúi á landsþingum
Síðast uppfært 07. janúar 2020