Bakvarðasveit Akureyrarbæjar í velferðarþjónustu

Akureyrarbær leitar liðsauka til að sinna störfum í velferðarþjónustu. Um er að ræða bakvarðasveit til tímabundinnar aðstoðar.

 

Óskað er eftir einstaklingum sem eru reiðubúnir að koma til starfa með skömmum fyrirvara í velferðarþjónustu, s.s. í þjónustu við aldraða, fatlaða, fólk með flóknar stuðningsþarfir, börn í vistunarúrræðum sem þurfa sértækan stuðning, í félagsþjónustu og barnavernd.

 

Athugið að liðið getur einhver tími frá skráningu þar til samband verður haft um næstu skref, allt eftir álagi á hverjum tíma. Um getur verið að ræða ákveðið starfshlutfall eða tímavinna.

 

Upplýsingar sem tilgreina þarf í umsókn*:

·         Menntun.

·         Vinnutími (s.s. fjöldi tíma á viku, hvenær dags/kvöld/nætur, tiltekið tímabil).

·         Reynsla af störfum í velferðarþjónustu ef við á.

·         Hvaða velferðarþjónustu viðkomandi getur sinnt.

·         Hvenær viðkomandi getur hafið störf.

 

*Ath. ekki þarf að fylla umsóknarformið út nema að ofangreindu leiti, nóg er að skrá upplýsingar í athugasemdir.

 

Gerð er krafa um að viðkomandi hafi hreint sakavottorð og hafi ekki hlotið refsidóma á grundvelli almennra hegningarlaga nr. 19/1940

 

Laun eru greidd samkvæmt gildandi kjarasamningi eftir því sem við á.

 

Nánari upplýsingar um fyrirkomulag bakvarðasveitar í velferðarþjónustu veita Birna Eyjólfsdóttir birnae@akureyri.is og Alma Rún Ólafsdóttir almarun@akureyri.is

 

Einungis er tekið á móti rafrænum umsóknum á heimasíðu Akureyrarbæjar: www.akureyri.is