Upplýsingar um viðburð
Kniplkonur á Akureyri ætla að kynna og sýna handverk sitt klukkan 14:00-17:00 fimmtudaginn 24. og föstudaginn 25. ágúst nk. við kaffihús safnsins sem staðsett er á 1. hæð.
Knipl er ævagamalt handverk sem á rætur að rekja til tólftu aldar og kemur frá Ítalíu. Breiddist þaðan út og yfir Alpana til Þýskalands, Frakklands og þaðan til Norðurlandanna.
Knipl varð tískuvara á dögum Kristjáns IV Danakonungs. Bæði börn og fullorðnir kunnu þetta og unnu við þetta. Mun það hafa verið kennt í kvennaskólunum en seinni árin, sem þeir störfuðu, var þetta ekki kennt.
Verkfærin sem notuð eru eru trépinnar og eru tveir pinnar kallaðir par. Fínir títuprjónar, stál, munstur (kniplibréf) og kniplipúði (sem getur verið klædd plastplata).
Til eru margar gerðir kniplpúða frá ýmsum löndum. Sumir eru hrein listaverk.Gamlir púðar hér á landi eru til sýnis; til dæmis í Heimilisiðnaðarsafninu á Blönduósi
Sjón er sögu ríkari! Verið hjartanlega velkomin!
