Kjarnaskógur

Sími: 462 4047
Netfang: kjarni@est.is
Heimasíða: kjarnaskogur.is

Kjarnaskógur er eitt vinsælasta útivistarsvæði Akureyringa, um 800 hektara að stærð. Við upphaf skógræktar á svæðinu um 1950 var landið skóglaust með öllu. Síðan þá hefur verið plantað um 1.5 milljón plantna og er þar mikil gróðursæld og gott skjól. Svæðið er í eigu Akureyrarbæjar en í umsjá Skógræktarfélags Eyfirðinga. Í Kjarnaskógi eru upplýstar trimmbrautir og göngustígar. Þegar snjóar er brautin troðin og sporuð fyrir skíðagöngufólk. Þar eru einnig ýmis líkamsræktartæki, svo og bekkir til hvíldar fyrir þá sem þess þurfa.

Í skóginum má meðal annars finna:

  • Tvö leiksvæði með fjölda leiktækja
  • Blakvöll
  • Snyrtingar
  • Yfirbyggða grillaðstöðu sem hentar jafnt einstaklingum sem hópum
  • Stærsta skipulagða gönguskíðasvæði landsins (í skóglendi) með allt að 20 km troðnum brautum, þar af eru 6 km upplýstir. Upplýsingar um skíðafæri eru uppfærðar í síma 878 4050
  • Fyrstu sérhönnuðu fjallahjólabraut landsins
  • Um 12 km af malarbornum stígum, þar af eru 6 km upplýstir, auk fjölda annarra skógarstíga
Síðast uppfært 02. febrúar 2017
Fannst þér efnið á síðunni hjálplegt?