N┴GRANNAVARSLA ┴ AKUREYRI

Á fundi bæjarráðs Akureyrar 20. ágúst 2009 var samþykkt að taka þátt í verkefninu „Nágrannavarsla á Akureyri“ í samvinnu við tryggingafélagið Sjóvá. Handbók sem inniheldur leiðbeiningar um hvernig hefja á nágrannavörslu er að finna á heimasíðu Sjóvár.

Sjóvá kostar nágrannavörsluskiltin og límmiðana sem íbúar fá afhenta að ákveðnum skilyrðum uppfylltum, sjá reglur þar að lútandi hér neðar.

Hugmyndin um nágrannavörslu var kynnt hverfisnefndum bæjarins 27. ágúst á fundi með fulltrúum Sjóvár og Akureyrarbæjar. Á þeim fundi voru skipaðir þrír fulltrúar frá hverfisnefndunum ásamt fulltrúa Akureyrarbæjar í nefnd sem hafði það hlutverk að koma verkefninu af stað.

Að hefja nágrannavörslu

Ef áhugi er á að koma á fót nágrannavörslu þá er best að byrja á að skoða handbókina um nágrannavörslu á heimasíðu Sjóvár. Í handbókinni er því lýst hvernig hefja á nágrannavörslu.

Til þess að fá afhent skiltið um nágrannavörslu, sem þekkt er orðið um land allt, þarf að hafa samband við Jón Birgi Guðmundsson útibússtjóra Sjóvár á Akureyri eða Hugrúnu Magnúsdóttur og skila til þeirra undirskriftum 70% íbúa þeirrar götu, svæðis, blokkar eða stigagangs sem þátt ætla að taka í nágrannavörslunni. Nóg er að einn úr hverri íbúð skrifi undir.

Tengiliður Akureyrarbæjar er Dagný Magnea Harðardóttir, netfang: dagny@akureyri.is og sími 460 1022.

Hópstjórinn

Skipa þarf einn hópstjóra í hverri götu, blokk, stigagangi eða svæði. Hlutverk hópstjórans er aðallega að koma upplýsingum til nágranna sinna ef t.d. lögreglan vill koma upplýsingum á framfæri til íbúa um aukin innbrot. Ef hópstjóri flytur þarf hann að skila inn til tengiliðar bæjarins upplýsingum um það hver tekur við af honum.

Reglur um úthlutun nágrannavörsluskilta og límmiða:

  1. Að lámarki 70% íbúa í götu, blokk, stigagangi eða svæði verður að taka þátt í nágrannavörslunni.
  2. Einn hópstjóri skal skipaður fyrir götu, blokk, stigagang eða svæði.
  3. Hópstjóri tilkynnir nágrannavörslu til útibússtjóra Sjóvár á Akureyri eða Hugrúnar Magnúsdóttur og skilar inn undirskriftum frá íbúum sem þátt ætla að taka í nágrannavörslunni.
  4. Hópstjóri tilkynnir til tengiliðar Akureyrarbæjar ef hann flytur hver tekur við hlutverki hans sem hópstjóri.

Viltu koma einhverju ß framfŠri var­andi efni sÝ­unnar?

Safnreitaskil
Safnreitaskil
Safnreitaskil
captcha