Virkið bætir þjónustu við ungt fólk

Guðrún Þórsdóttir verkefnastjóri tekur við styrknum úr hendi Vigdísar Jónsdóttur framkvæmdastjóra VIRK. Mynd af heimasíðu VIRK.

Í lok nóvember sl. hlaut Virkið í Ungmennahúsinu Rósenborg 1.000.000 kr. í styrk úr VIRK starfsendurhæfingarsjóði en sjóðurinn veitir slíka styrki tvisvar á ári til virkniúrræða, rannsókna- og þróunarverkefna.

Virkið starfar sem þjónustuborð á Eyjafjarðarsvæðinu með hagsmuni einstaklinga á aldrinum 16-20 ára að leiðarljósi. Markmiðið er að bæta þjónustu við ungt fólk á krossgötum með því að auðvelda aðgengi fyrir notandann, veita snemmtæka íhlutun, minnka líkur á að fólk falli á milli kerfa, samþætta þjónustu og úrræði, auðvelda tilvísunaraðilum að koma málum í réttan farveg og móta virkniúrræði. Nýlega skrifaði VIRK undir samstarfssamning um þetta verkefni ásamt öðrum heilbrigðis- og velferðarstofnunum á Eyjarfjarðarsvæðinu.