Fundir bæjarstjórnar Akureyrar fara fram í Menningarhúsinu Hofi.
Á fundi bæjarstjórnar Akureyrar þriðjudaginn 18. september var meðal annars til umræðu að gefnu tilefni traust á stjórnmálum og stjórnsýslu. Hilda Jana Gísladóttir hóf umræðuna og ræddi m.a. traust almennings á ýmsum stofnunum samfélagsins og áhrif þess á lýðræðið, gagnsæi stjórnsýslu, upplýsingamiðlun og íbúasamráð.
Bæjarstjórn samþykkti að loknum umræðum eftirfarandi ályktun með 11 samhljóða atkvæðum:
Bæjarstjórn Akureyrar þakkar fyrir vandaða skýrslu og telur að í henni sé að finna ýmsar tillögur og útfærslur sem nýst geti sveitarstjórnarstiginu til að efla traust á stjórnmálum. Bæjarstjórn vísar skýrslunni til nánari umræðu í bæjarráði. Bæjarstjórn Akureyrar harmar hins vegar að í tillögum starfshóps forsætisráðherra um eflingu trausts á stjórnmálum og stjórnsýslu sé engin umræða og engar tillögur um bætt samskipti ríkis og sveitarfélaga og skorar á forsætisráðherra að koma fram með áþreifanlegar tillögur sem hægt er að setja í ferli með það að augnamiði að bæta samvinnu ríkis og sveitarfélaga, landsmönnum öllum til heilla.
Skýrsla starfshóps um traust