Tillaga að breytingu á deiliskipulagi Höepfnersbryggju

Aðalskipulag Akureyrar 2018-2030

Bæjarstjórn Akureyrarbæjar auglýsir hér með tillögu að breytingu á deiliskipulagi Höepfnersbryggju – Siglingaklúbbsins Nökkva skv. 1.mgr. 41.gr. skipulagslaga nr. 123/2010.

Tillagan gerir ráð fyrir aðskildum göngu- og hjólastíg meðfram Leiruvegi frá Drottningarbraut og út að sveitarfélagamörkum á Leirubrú ásamt landfyllingum og áningarstöðum norðan stígarins. Þá er gert ráð fyrir bryggjum á vegum Siglingaklúbbsins Nökkva, annars vegar til austurs út frá Drottningarbraut og hins vegar til vesturs út frá grjótgarði norður af Leiruvegi.

Skipulagstillöguna má nálgast hér.

Uppdrátt með ofangreindri skipulagstillögu má nálgast hjá þjónustu- og skipulagssviði í Ráðhúsi Akureyrarbæjar frá 24. ágúst – 9. október 2022. Tillagan er einnig birt á heimasíðu bæjarins: www.akureyri.is – neðst á forsíðu undir: Auglýstar skipulagstillögur.

Þeir sem þess óska geta kynnt sér tillöguna og gert við hana athugasemdir. Tillöguuppdrátt ásamt greinargerð má nálgast hjá þjónustu- og skipulagssviði í Ráðhúsi Akureyrar frá 24. ágúst til 9. október 2022. Einnig verða gögnin aðgengileg á sama tíma á heimasíðu Akureyrarbæjar: www.akureyri.is – neðst á forsíðu undir: Auglýstar skipulagstillögur.

Athugasemdum þar sem nafn, kennitala og heimilisfang sendanda kemur fram má skila með tölvupósti á netfangið skipulag@akureyri.is eða bréfleiðis til þjónustu- og skipulagssviðs í Ráðhúsi Akureyrar, Geislagötu 9, 600 Akureyri.

Frestur til að gera athugasemdir við tillöguna rennur út 9. október 2022.

Athugasemdir teljast til opinberra gagna. Vakin er athygli á því að nöfn þeirra sem senda inn athugasemdir koma fram í fundargerðum skipulagsráðs sem birtar eru á heimasíðu Akureyrarbæjar. Persónuupplýsingar sem fylgja athugasemdum við skipulag, s.s. kennitala, nafn og netfang eru aðeins nýttar í þeim tilgangi að vinna úr athugasemdum og auðkenna sendanda. Sjá nánar um meðferð persónuupplýsinga hjá Akureyrarbæ hér.