Eiríkur Björn Björgvinsson.
Eiríkur Björn Björgvinsson hefur nú látið af störfum sem bæjarstjóri á Akureyri og sendir Akureyringum þakkir sínar og eftirfarandi kveðju:
„Ég hef nú látið af störfum sem bæjarstjóri á Akureyri eftir 8 ánægjuleg ár. Samtals eru þetta orðin 16 ár sem bæjarstjóri í þremur sveitarfélögum.
Ég er afar þakklátur fyrir tækifærin sem ég hef fengið, fyrir frábært samstarfsfólk, góð samskipti við bæjarbúa, samstarfsaðila, viðskiptavini og gesti sveitarfélagsins.
Ég óska Akureyrarbæ og Akureyringum bjartrar framtíðar."