Stólalyftan Fjarkinn í Hlíðarfjalli var ræst í síðustu viku og verður látin ganga til 30. ágúst í sumar.
Hægt er að taka hjólið með sér í lyftuna og gangandi geta tekið lyftuna bæði upp og niður og þá fyrir sama verð.
Fjórar hjólabrautir eru í fjallinu í umsjá Hjólreiðafélags Akureyrar; Suðurgil, Andrés, Hjalteyrin og Ævintýraleið. Einnig eru tvær leiðir frá gönguhúsi og ein frá lyftuskúr við Fjarkann en þessar þrjár liggja allar yfir í Glerárdal.
Fyrir þá sem eru gangandi er tilvalið að stoppa við Strýtuskála og njóta útsýnis yfir Akureyrarbæ og Eyjafjörð.
Frá Strýtuskála er svo merkt gönguleið upp á brún Hlíðarfjalls. Þegar þangað er komið er til dæmis hægt að ganga að Harðarvörðu, Blátindi, Bungu, Strýtu, Kistu eða á Vindheimajökul. Á góðviðrisdögum má á þessum slóðum sjá yfir í Mývatnssveit, Herðubreið eða vestur í Skagafjörð svo eitthvað sé nefnt.
Því miður er ekki tekið við Ferðaávísun ríkisstjórnarinnar þar sem starfsemin hér fellur ekki í þann flokk.
Opnunartímar |
Verðskrá |
Fullorðnir |
Börn/ellilífeyrisþegar |
Fimmtudagar frá kl. 17 - 21 |
Ein ferð |
1.100 |
600 |
Föstudagar frá kl. 16 - 20 |
Einn dagur |
4.300 |
1.600 |
Laugardagar frá kl. 10 - 18 |
Helgarpassi |
10.600 |
3.900 |
Sunnudagar frá kl. 10 - 16 |
Sumarkort |
26.400 |
13.300 |