Samþykktar skipulagstillögur

Breyting á deiliskipulagi Hagahverfis – húsreitir 4 og 5.
Bæjarstjórn Akureyrarkaupstaðar samþykkti þann 29. maí 2019 deiliskipulagsbreytingu fyrir Nausta­hverfi, 3. áfanga – Hagahverfi.
Í breytingunni felst að lóðir eru sameinaðar í samræmi við fyrirliggjandi erindi, fjölgað er bíla­stæðum, afmörkun byggingarreita breytt og lágmarksfjöldi íbúða aukinn.
Deiliskipulagstillagan hefur hlotið meðferð í samræmi við 3. mgr. 41. gr. skipulagslaga nr. 123/2010 og öðlast hún þegar gildi.

F.h. Akureyrarkaupstaðar, 1. ágúst 2019,

Margrét M. Róbertsdóttir verkefnastjóri skipulagsmála.

B deild - Útgáfud.: 19. ágúst 2019

Breyting á deiliskipulagi Hagahverfis - Geirþrúðarhagi 1.
Skipulagsráð Akureyrarkaupstaðar hefur þann 10. júlí 2019 samþykkt deiliskipulagsbreytingu fyrir Geirþrúðarhaga 1.
Breytingin felur í sér stækkun lóðarhluta fyrir bílastæði og stækkun lóðar Geirþrúðarhaga 1 úr 1.816,3 m² í 1.888,3 m². Stigahús má ná 60 sm út fyrir byggingarreit og svalir 190 sm.
Deiliskipulagstillagan hefur hlotið meðferð í samræmi við 3. mgr. 41. gr. skipulagslaga nr. 123/2010 og öðlast þegar gildi.

F.h. Akureyrarkaupstaðar, 16. ágúst 2019,

Margrét M. Róbertsdóttir verkefnastjóri skipulagsmála.

B deild - Útgáfud.: 19. ágúst 2019