Nú stendur yfir Evrópska samgönguvikan og af því tilefni hefur Akureyrarbær í samstarfi við Vistorku skipulagt ýmsa viðburði en samgönguvikunni lýkur formlega með bíllausa deginum fimmtudaginn 22. september.
Miðvikudaginn 21. september kl. 14 verður vegleg ráðstefna haldin í Hofi þar sem flutt verða nokkur erindi um göngu- og hjólastíga á Akureyri, Reykjavík, Danmörku og Hollandi. Við fáum einnig tvær stuttar reynslusögur; Elín Björk Jónasdóttir, hópstjóri veðurþjónustu hjá Veðustofu Íslands, segir frá reynslu sinni af því að nota svokallað rafmagns Cargo-hjól og síðan mun Edward H. Huijbens prófessor við háskólann í Wageningen í Hollandi og fyrrum bæjarfulltrúi á Akureyri segja frá sinni reynslu af því að hjóla á Akureyri og í Hollandi.
Dagskrá:
- Stígar við þjóðvegina: Rúna Ásmundsdóttir og Margrét Silja Þorkelsdóttir
- Rafmagns Cargo-hjól: Elín Björk Jónasdóttir
- Stígar í Hollandi og Danmörku í samanburði við Ísland: Thijs Kreukels og Lilja G. Karlsdóttir
- Að hjóla í Hollandi og á Íslandi: Edward H. Huijbens
- Göngu- og hjólastígakerfi Akureyrar: Pétur Ingi Haraldsson og Rut Jónsdóttir
Fundarstjórn annast Þórgnýr Dýrfjörð.
Ráðstefnunni verður streymt á netinu HÉR.