Naustahverfi 2. áfangi, Brekatún 2 og 4-14 – Tillaga að deiliskipulagsbreytingu

Bæjarstjórn Akureyrarkaupstaðar auglýsir hér með skv. 1. mgr. 43. gr. skipulagslaga nr. 123/2010, tillögu að breytingu á deiliskipulagi Naustahverfis 2. áfanga.
Skipulagssvæðið nær til lóða nr. 2-14 við Brekatún. Tillagan gerir m.a. ráð fyrir að lóð Brekatúns 4-14 stækki til norðvesturs að Tjarnarhól til þess að koma fyrir byggingarreit fyrir 12 bílgeymslur. Vegna stækkunar lóðar Brekatúns 4-14 er lóð Brekatúns 2 minnkuð um 5m til austurs.

Tillöguuppdráttur ásamt greinargerð er til sýnis á 1. hæð, í Ráðhúsi Akureyrarkaupstaðar, Geislagötu 9, frá 3. október til 14. nóvember 2018, svo að þeir sem þess óska geti kynnt sér tillöguna og gert við hana athugasemdir. Tillagan er einnig aðgengileg hér að neðan:

Naustahverfi 2. áfangi - Brekatún 2-14 - uppdráttur

Frestur til að gera athugasemdir við tillöguna rennur út kl. 16:00 miðvikudaginn 14. nóvember 2018 og skal athugasemdum skilað skriflega til Skipulagssviðs Akureyrarkaupstaðar, Geislagötu 9, 3. hæð eða með tölvupósti (skipulagssvid@akureyri.is) þar sem nafn, kennitala og heimilisfang sendanda kemur fram.
3. október 2018
Sviðsstjóri skipulagssviðs