Listagilið lokað fyrir bílaumferð á Gildaginn

Á laugardaginn kemur, 3. nóvember, verður svokallaður Gildagur í Listagilinu frá kl. 14-17 og er stærstur hluti Kaupvangsstrætis lokaður fyrir bílaumferð á sama tíma.

Búast má við hálfgerðri karnivalstemningu í Listagilinu með opnunum sýninga víðsvegar um Listagilið þar sem ber hæst opnun í Listasafninu á yfirlitssýningu á verkum Arnar Inga Gíslasonar sem lést á síðasta ári. Einnig verða opnar vinnustofur í götunni, verslanir verða með tilboð, boðið upp á lifandi tónlist í Listasafninu og margt fleira.

Nánar er hægt að glöggva sig á lokun Listagilsins á meðfylgjandi mynd.

Heimasíða Gildagsins á Facebook.