Leik- og grunnskólar eru opnir í dag

Leik- og grunnskólar á Akureyri verða opnir í dag en kennsla fellur niður í Hlíðarskóla norðan bæjarins.

Foreldrar meta sjálfir hvort þeir sendi börn sín í skólann og eru þeir hvattir til að fylgja barni eða aka því í skólann ef ástæða þykir til. Sé barn heima vegna veðurs er nauðsynlegt að tilkynna það til skólans.

Vindaspá á vef Veðurstofu Íslands gerir ráð fyrir ögn skárra veðri á Akureyri en víða annars staðar í landshlutanum, til að mynda á Tröllaskaga út með firði. Sjá hér.

Fylgst verður með stöðunni fram eftir morgni og látið vita ef gera þarf ráðstafanir síðdegis.