Kórónuveirusmit í Árholti

Leikskóladeildin Árholt er í sérhúsnæði við hlið Glerárskóla.

Leikskóladeildinni Árholti var lokað í morgun eftir að barn þar greindist með kórónuveiruna.

Allt starfsfólk leikskóladeildarinnar og börn eru farin í varúðarsóttkví vegna smitsins. Beðið er frekari fyrirmæla frá sóttvarnayfirvöldum.

Í Árholti hafa verið 17 börn og 7 starfsmenn en deildin tilheyrir leikskólanum Tröllaborgum.