Akureyrarbær hlaut fyrr á árinu viðurkenningu sem Barnvænt sveitarfélag fyrir markvissa innleiðingu á Barnasáttmála Sameinuðu þjóðanna og gegndi Ungmennaráð lykilhlutverki í þeirri vinnu.
Mynd: UNICEF/Steindór
Akureyrarbær kortleggur um þessar mundir viðhorf barna og ungmenna til ungmennaráðs sveitarfélagsins.
Stutt netkönnun var send til nemenda í gegnum alla grunnskóla á Akureyri og framhaldsskólana tvo, VMA og MA. Í könnuninni er meðal annars spurt um þekkingu á ungmennaráði og áhuga á að taka þátt í störfum þess. Ágætlega gengur að safna svörum, en könnunin verður opin út þessa viku.
Markmiðið er að safna upplýsingum sem geta nýst við frekari kynningu á ungmennaráði og til að auka lýðræðislegt hlutverk þess.
Fulltrúar í ungmennaráðinu verða auk þess með kynningar í grunn- og framhaldsskólum bæjarins á næstu vikum, sem undanfari að skipan nýrra fulltrúa í ráðið en fljótlega verður óskað eftir áhugasömum þátttakendum.
Hér eru almennar upplýsingar um ungmennaráð og hér eru fundargerðir ráðsins.