Fjárhagsáætlun 2019 samþykkt í bæjarstjórn

Mynd: María Helena Tryggvadóttir.
Mynd: María Helena Tryggvadóttir.

Fjárhagsáætlun Akureyrarbæjar fyrir árið 2019, ásamt þriggja ára áætlun áranna 2020-2022, var samþykkt á fundi bæjarstjórnar í gær. Samkvæmt áætluninni er gert ráð fyrir jákvæðri afkomu af rekstri A- og B-hluta Akureyrarbæjar á árinu 2019 um 660 milljónir króna.

Bæjarstjórn samþykkti samhliða fjárhagsáætlun lækkun álagningarprósentu fasteignaskatts í 0,33% af fasteignamati íbúðarhúsnæðis, ásamt lækkun í 1,63% af fasteignamati af öðru húsnæði auk þess sem tekjumörk afsláttar elli- og örorkulífeyrisþega voru hækkuð um 7%.

Þá samþykkti bæjarstjórn óbreytta útsvarsprósentu 14,52% fyrir árið 2019 auk breytinga á gjaldskrá sem almennt gerir ráð fyrir 3% hækkun.

Nánar má lesa um forsendur fjárhagsáætlunar í greinargerð.

Fjárhagsáætlun Akureyrarbæjar 2019-2022, lögð fram til síðari umræðu í bæjarstjórn 11. desember 2018.

Des Nóv Okt Sep Ágú Júl Jún Maí Apr Mar Feb Jan