Hraðahindranirnar koma aftur

Nýtt malbik án hraðahindrana á Oddeyrargötu.
Nýtt malbik án hraðahindrana á Oddeyrargötu.

Bæjarbúar hafa tekið eftir því að hraðahindranir eru horfnar af nokkrum götum eða götuköflum í bænum. Þetta á sér eðlilegar skýringar.

Verið er að malbika þessar götur að nýju og eina leiðin til að gera það almennilega er að byrja á því að fjarlægja hraðahindranirnar, því næst malbika og loks búa til nýjar hraðahindranir. Það er því engin hætta á öðru en að hraðahindranirnar komi aftur á sinn stað innan tíðar.

Götur sem verið er að lagfæra eru Mýrarvegur frá gangbraut við Hörpulund að Vanabyggð, Kjarnagata frá Golfvallarvegi að Naustaskóla. efsti hluti Þingvallastrætis, Þórunnarstræti frá Mímisbraut að Hrafnagilsstræti, Oddeyragata frá Hamarstíg og Gránufélagsgata niður að Glerárgötu, Hlíðarbraut frá Baldursnesi að Krossanesbraut, Einholt, Grundargerði frá Þingvallastræti að Grundargerði 7, Byggðavegur frá Hamarstíg að Löngumýri og Teigasíða að hluta.

Des Nóv Okt Sep Ágú Júl Jún Maí Apr Mar Feb Jan