Garðeigendur geta sótt ókeypis moltu

Garðeigendur geta nú sótt sér moltu án endurgjalds á tveimur stöðum í bænum, þ.e. á Krókeyri sunnan við Mótorhjólasafnið og á brennustæðið sunnan við gámasvæðið í Réttarhvammi.

Um er að ræða tvenns konar moltu:

Gróðurmoltu sem er hágæða molta unnin úr gróður- og grasleifum sem til falla á Eyjafjarðarsvæðinu. Þessi molta hentar í alla almenna garðrækt og í matjurtargarða sem jarðvegsbætir og næringargjafi. Æskilegt er að blanda moltunni saman við mold eða sand og dreifa ofan á mold.

Kraftmolta er hágæða jarðvegsbætir sem unninn er úr lífrænu hráefni frá heimilum og sláturhúsum sem fellur til á Eyjafjarðarsvæðinu. Hægt er að nota þessa moltu á grasflatir bæði sem áburð ofan á og eins við sáningu í blómabeð og trjá- og runnabeð. Nánari upplýsingar er hægt að nálgast á heimasíðu Moltu.

Moltan er eingöngu ætluð einstaklingum en ekki fyrirtækjum.