Frumkvöðlar í Norðurslóðastarfi heiðraðir

Eyjólfur Guðmundsson rektor Háskólans á Akureyri, Níels Einarsson forstöðumaður Stofnunar Vilhjálms …
Eyjólfur Guðmundsson rektor Háskólans á Akureyri, Níels Einarsson forstöðumaður Stofnunar Vilhjálms Stefánssonar, Þorsteinn Guðmundsson fyrrverandi rektor HA og Ásthildur Sturludóttir bæjarstjóri.

Miðvikudaginn 12. maí afhenti Ásthildur Sturludóttir, bæjarstjóri á Akureyri, Þorsteini Gunnarssyni og Níelsi Einarssyni viðurkenningu fyrir ötult starf í þágu Norðurslóða. Viðurkenningin er veitt í tilefni af 20 ára afmæli Háskóla norðurslóða (University of the Arctic, UArctic) en árleg ráðstefna sem fram átti að fara að hluta á Akureyri – en er nú rafræn – verður haldin dagana 15. til 18. maí.

Þorsteinn Gunnarsson var rektor Háskólans á Akureyri frá 1994-2009 og á stóra hlutdeild í uppbyggingu norðurslóðasamstarfs á Íslandi, á sviði mennta og vísinda. Sem rektor Háskólans á Akureyri lagði Þorsteinn grunninn að þeirri miðstöð norðurslóða sem varð til á Akureyri og hefur haldið áfram að starfa í málaflokknum af mikilli hugsjón. Má í því samhengi nefna Vísindaviku norðurslóða, en Þorsteinn hafði veg og vanda af því að leiða það verkefni á síðasta ári.

Níels Einarsson er forstöðumaður Stofnunar Vilhjálms Stefánssonar sem er íslensk norðurslóðastofnun sem hefur verð starfandi síðan 1997. Stofnuninni er ætlað innlent og alþjóðlegt hlutverk viðvíkjandi rannsóknum, upplýsingamiðlun, ráðgjöf og samvinnu á sviði sjálfbærrar þróunar og umhverfismála á Norðurslóðum. Stofnunin heyrir undir Umhverfisráðuneytið.

Des Nóv Okt Sep Ágú Júl Jún Maí Apr Mar Feb Jan