Forsetakosningar laugardaginn 27. júní 2020

Kjörstaður á Akureyri: Verkmenntaskólinn á Akureyri. Hringteigi 2
Kjörstaður í Hrísey: Hríseyjarskó…
Kjörstaður á Akureyri: Verkmenntaskólinn á Akureyri. Hringteigi 2
Kjörstaður í Hrísey: Hríseyjarskóli
Kjörstaður í Grímsey: Félagsheimilið Múli

Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ verður skipt í 12 kjördeildir, 10 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu og eru kjósendur beðnir um að kynna sér í hvaða kjördeild þeim ber að kjósa. Hér má sjá skiptingu í kjördeildir.

Kjörfundur hefst á Akureyri, í Hrísey og í Grímsey kl. 9:00 og lýkur eigi síðar en klukkan 22:00.

Kjósendur í Hrísey og Grímsey athugið að kjörstað kann að verða lokað fyrr að uppfylltum skilyrðum 89. gr. laga nr. 24/2000 um kosningar til Alþingis, sbr. 3. mgr. 6. gr. laga nr. 36/1945 um framboð og kjör forseta Íslands.  Þeir eru því hvattir til að mæta á kjörstað fyrir kl. 17:00. Kjörstaðir í Hrísey og Grímsey verða þó að lágmarki opnir til kl. 17:30 nema allir á kjörskrá hafi kosið fyrir þann tíma.

Á kjördag hefur kjörstjórn aðsetur á bókasafni VMA. Netfang kjörstjórnar er kjorstjorn@akureyri.is og á kjördag er sími kjörstjórnar 464-0350 og faxnúmer 464-0351. Kjörskrá liggur frammi frá 17. júní 2020 og miðast hún við skráð lögheimili kjósenda hjá Þjóðskrá Íslands þann 6. júní 2020. Kjósendum er frjálst að skoða kjörskrána og mun hún liggja frammi í þjónustuveri Akureyrarbæjar að Geislagötu 9, Akureyri, í Hríseyjarbúðinni í Hrísey og í Búðinni í Grímsey til og með 26. júní 2020 á venjulegum afgreiðslutíma. Þá er kjörskrána einnig að finna á veffanginu: www.kosning.is

Kjósendum ber að sýna persónuskilríki með mynd á kjörstað.

Þá eru kjósendur beðnir um að gæta að smitvörnum, handspritt verður við innganga á kjörstað og öllum kjósendum gert að spritta hendur áður en farið er inn í kjördeildir.

 

Kjörstjórn Akureyrarbæjar,

Helga Eymundsdóttir
Jón Stefán Hjaltalín
Júlí Ósk Antonsdóttir

 

 

 

 

Kjörstaður á Akureyri: Verkmenntaskólinn á Akureyri. Hringteigi 2

Kjörstaður í Hrísey: Hríseyjarskóli

Kjörstaður í Grímsey: Félagsheimilið Múli

Des Nóv Okt Sep Ágú Júl Jún Maí Apr Mar Feb Jan