Forsetakosningar 27. júní

Íslenski fáninn
Íslenski fáninn

Forsetakosningar verða laugardaginn 27. júní 2020.

Akureyrarbæ verður skipt í tólf kjördeildir, tíu á Akureyri, eina í Hrísey og eina í Grímsey.

Á Akureyri verður kjörstaður í Verkmenntaskólanum á Akureyri, í Hrísey verður kjörstaður í Hríseyjarskóla og í Grímsey verður kjörstaður í Félagsheimilinu Múla

Kjörstaðir opna kl. 09:00.  Á Akureyri er kjörstaður opinn til kl. 22:00.

Kjósendur í Hrísey og Grímsey athugið: Kjörstað kann að vera lokað fyrr að uppfylltum skilyrðum 89. gr. laga nr. 24/2000 um kosningar til Alþingis, sbr. 3. mgr. 6. gr. laga nr. 36/1945 um framboð og kjör forseta Íslands. Kjósendur eru því hvattir til að mæta á kjörstað fyrir kl. 17:00. Kjörstaðir í Hrísey og Grímsey verða þó að lágmarki opnir til kl. 17:30 NEMA allir á kjörskrá hafi kosið fyrir þann tíma.

Gætt verður að sóttvörnum og tryggður aðgangur að spritti á staðnum. Við vekjum athygli á að mesta mannmergðin er yfirleitt í kringum miðjan dag svo ef fólk vill hafa val um tveggja metra regluna er gott að koma á kjörstað fyrir hádegi eða upp úr kvöldmat.

Hvernig veit ég í hvaða kjördeild ég á að kjósa?  Svarið finnur þú inn á www.kosning.is - þú slærð inn kennitöluna þína og færð upplýsingar um kjörstað og kjördeild.

Des Nóv Okt Sep Ágú Júl Jún Maí Apr Mar Feb Jan