Dekurdagar á Akureyri eru að hefjast

Dekurdagar á Akureyri hefjast fimmtudaginn 30. september og standa fram á sunnudag 3. október. Hugmyndin er að vinkonur, vinir, systur, makar, fjölskyldur og vinnufélagar njóti þess að gera eitthvað skemmtilegt saman í bænum. Um leið er safnað fyrir Krabbameinsfélagi Akureyrar og nágrennis m.a. með sölu klúta, bleikra slaufa og framlagi fyrirtækja og einstaklinga. Á síðasta ári söfnuðust um 4.2 milljónir til styrktar Krabbameinsfélagsins. 

Hægt er að velja úr fjölda viðburða sem gleðja hjartað þessa dekurhelgi. Verslanir og veitingastaðir bjóða mörg hver upp á ýmiskonar skemmtileg tilboð af þessu tilefni. Kvöldopnun verður á Glerártorgi á fimmtudagskvöld og í miðbænum föstudagskvöld.

Mikið er um að vera í bænum þessa helgina og má meðal annars nefna tónleika og leiksýningar. Á Listasafninu eru fjölbreyttar sýningar og sama má segja um Minjasafnið á Akureyri.

Hér má skoða viðburðayfirlit Dekurdaga. 

Hér má nálgast Facebooksíðu Dekurdaga þar sem eru upplýsingar um tilboð og margt fleira.