Breyting á Aðalskipulagi Akureyrar 2018-2030 vegna Dalvíkurlínu 2 - Skipulagslýsing

Lega fyrirhugaðrar Dalvíkurlínu 2

Bæjarstjórn Akureyrarbæjar hefur samþykkt að hefja vinnu við breytingu á aðalskipulagi bæjarins í tengslum við lagningu Dalvíkurlínu 2. Fyrsta skrefið í þeirri vinnu er kynning á skipulagslýsingu fyrir verkefnið og fer hún fram samhliða breytingum á Aðalskipulagi Hörgársveitar 2012-2024 (sjá hér) og Aðalskipulagi Dalvíkurbyggðar 2008-2020 (sjá hér).

Dalvíkurlína 2 er 66 kV jarðstrengur sem mun liggja við vestanverðan Eyjafjörð á milli Akureyrar og Dalvíkur, alls um 41 km. Framkvæmdin er hluti af endurnýjunaráætlun Landsnets og styrkingu innviða í kjölfar truflana af völdum óveðurs veturinn 2019-2020.

Gera þarf breytingar á gildandi aðalskipulagi Akureyrar (sjá hér) til samræmis við skipulagstillögu fyrir framkvæmdina og munu þær felast í breytingum á landnotkunarflokkum og skipulagsákvæðum auk afmörkunar á flutningslínu rafkerfis á þéttbýlisuppdrætti.

Skipulagslýsinguna má nálgast hér.

Ábendingum þar sem nafn, heimilisfang og kennitala kemur fram má skila með tölvupósti á skipulagssvid@akureyri.is eða bréfleiðis til skipulagssviðs í Ráðhúsi Akureyrar, Geislagötu 9, 600 Akureyri.

Frestur til að koma ábendingum á framfæri er til 19. janúar 2022.

Athugasemdir teljast til opinberra gagna. Nöfn þeirra sem senda inn athugasemdir koma fram í fundargerðum skipulagsráðs á heimasíðu Akureyrarbæjar. Persónuupplýsingar sem fylgja athugasemdum, s.s. kennitala, nafn og netfang, eru aðeins nýttar til að vinna úr athugasemdum og auðkenna sendanda. Sjá nánar um meðferð persónuupplýsinga hjá Akureyrarbæ hér.