Alþingiskosningar 25. september

Staðsetning kjördeilda í VMA

Alþingiskosningar verða laugardaginn 25. september 2021.

Akureyrarbæ verður skipt í tólf kjördeildir, tíu á Akureyri, eina í Hrísey og eina í Grímsey. 

Á Akureyri verður kjörstaður í Verkmenntaskólanum á Akureyri, í Hrísey verður kjörstaður í Hríseyjarskóla og í Grímsey verður kjörstaður í Félagsheimilinu Múla.

Kjörfundur hefst á Akureyri, í Hrísey og í Grímsey kl. 9:00 og lýkur eigi síðar en klukkan 22:00.

Kjósendur í Hrísey og Grímsey athugið: Kjörstað kann að vera lokað fyrr að uppfylltum skilyrðum 89. gr. laga nr. 24/2000 um kosningar til Alþingis. Kjósendur eru því hvattir til að mæta á kjörstað fyrir kl. 17:00. Kjörstaðir í Hrísey og Grímsey verða þó að lágmarki opnir til kl. 17:30 NEMA allir á kjörskrá hafi kosið fyrir þann tíma.

Kjósendum ber að sýna persónuskilríki eða önnur kennivottorð á kjörfundi.

Þá eru kjósendur beðnir um að gæta að smitvörnum, handspritt verður við innganga á
kjörstað og öllum kjósendum gert að spritta hendur áður en farið er inn í kjördeildir.

Hvernig veit ég í hvaða kjördeild ég á að kjósa? Svarið finnur þú inn á www.skra.is - þú slærð inn kennitöluna þína og færð upplýsingar um kjörstað og kjördeild.