Alheimshreinsunardagurinn verður haldinn í 150 löndum á laugardag og hvetur Akureyrarbær íbúa til að „plokka", eins og það hefur verið kallað, þ.e.a.s. að tína rusl á víðavangi.
Þetta er tilvalið tækifæri fyrir einstaklinga, fjölskyldur, vinahópa eða vinnustaði til að hreinsa og bæta nærumhverfi sitt og náttúru.
Með alheimshreinsunardeginum er lögð áhersla á að allir íbúar þessarar jarðar nýti daginn til þess að hreinsa til og tína rusl. Meira má lesa um átakið á heimasíðu Landverndar
Á Akureyri verður lögð áhersla á að tína rusl og hreinsa til við strandlengju bæjarins.
Söfnunarpokar verða á eftirtöldum stöðum (sjá einnig mynd):
- Leirunesti, norðan til
- Við Nökkva
- Samkomubrú
- Plan sunnan við Átak, heilsurækt
- Við Glerárósa
- Sandgerðisbót, smábátahöfn
- Krossanesbraut norðan við Hringrás