Akureyrarbær

Vinnustofur og sýningarrými til leigu

Wed, 27 Jun 2018 11:43:00 +0000

Listasafnið á Akureyri hefur til leigu tvö mismunandi rými fyrir listamenn á Akureyri. Rýmin eru hugsuð sem vinnustofur og sýningarrými sem reglulega væru opin almenningi. Þar væri boðið upp á viðburði og starfssemin sem þar færi fram þyrfti að tengjast og vera í samvinnu við aðra starfssemi í Listagilinu.

Gilið lokað á morgun frá 10-22

Mon, 25 Jun 2018 14:37:00 +0000

Leikur íslenska landsliðsins gegn Króatíu á HM í knattspyrnu í Rússlandi verður sýndur beint á risaskjá í Listagilinu kl. 18 á morgun, þriðjudag. Talsverðan tíma tekur að koma upp skjánum og því verður lokað fyrir umferð ökutækja um gilið frá kl. 10 árdegis til klukkan 22 um kvöldið.

Opið fyrir umsóknir í gestavinnustofu 2019

Mon, 25 Jun 2018 11:40:00 +0000

Gilfélagið auglýsir eftir umsóknum til dvalar í gestavinnustofu Gilfélagsins. Um er að ræða mánaðardvöl á tímabilinu janúar til desember 2019. Hvert tímabil hefst fyrsta hvers mánaðar.

Fundur í bæjarstjórn 26. júní

Mon, 25 Jun 2018 08:05:00 +0000

Bæjarstjórn Akureyrar kemur saman til fundar kl. 16 þriðjudaginn 26. júní.

Nýkjörnir fulltrúar mættir til leiks

Fri, 22 Jun 2018 11:14:00 +0000

Í vikunni hafa bæjarfulltrúar, varabæjarfulltrúar, formenn og varaformenn nefnda átt þess kost að sækja eins konar nýliðanámskeið þar sem kynnt hefur ýmislegt sem nauðsynlegt er að kunna skil á við stjórnun sveitarfélagsins.

Gilið lokað til klukkan átta

Fri, 22 Jun 2018 10:54:00 +0000

Leikur íslenska landsliðsins gegn Nígeríu á HM í knattspyrnu í Rússlandi verður sýndur beint á risaskjá í Listagilinu kl. 15 í dag. Af þeim sökum hefur verið lokað fyrir umferð ökutækja um gilið og verður svo til kl. 20 í kvöld.

Fjölsótt Sólstöðuhátíð í Grímsey

Thu, 21 Jun 2018 11:08:00 +0000

Óvenju mannmargt er nú í Grímsey en þar hefst Sólstöðuhátíðin í dag og stendur fram á sunnudag. Ennþá er laust með flugi út í Grímsey á morgun, föstudag, en alltaf ætti að vera hægt að komast með ferjunni Sæfara. Nýting gistiplássa er með mesta móti en auðvelt er að koma sér vel fyrir á tjaldsvæðinu í eyjunni þar sem er ágæt aðstaða fyrir gesti.

Drög að tillögu að matsáætlun vegna stækkunar golfvallarins að Jaðri

Thu, 21 Jun 2018 07:53:00 +0000

Akureyrarbær undirbýr nú mat á umhverfisáhrifum vegna stækkunar Jaðarsvallar á Akureyri. Mat á umhverfisáhrifum er unnið samkvæmt lögum nr. 106/2000 og reglugerð nr. 660/2015, en framkvæmdin er matsskyld samkvæmt tölulið 2.01 í 1. viðauka laganna.

Jónsmessuhátíð og setning Listasumars 2018

Wed, 20 Jun 2018 15:24:00 +0000

Jónsmessuhátíð á Akureyri er 24 tíma hátíð sem hefst kl. 12 laugardaginn 23. júní og stendur til kl. 12 sunnudaginn 24. júní. Á dagskránni eru 24 viðburðir út um allan bæ og fjölbreytnin er í fyrirrúmi.

Þakkir til Akureyringa frá Eiríki Birni

Wed, 20 Jun 2018 10:50:00 +0000

Eiríkur Björn Björgvinsson hefur nú látið af störfum sem bæjarstjóri á Akureyri og sendir Akureyringum þakkir sínar og eftirfarandi kveðju:

Hefurðu nýtt þér íbúagáttina?

Mon, 18 Jun 2018 14:55:00 +0000

Í íbúagáttinni á Akureyri.is er hægt að skrá sig inn með íslykli eða rafrænum skilríkjum til að sækja um ýmsa þjónustu og fylgjast með stöðu umsókna.

Opið lengur á sumrin

Mon, 18 Jun 2018 10:44:00 +0000

Afgreiðslutími Sundlaugarinnar á Akureyri hefur nú verið lengdur þannig að í sumar verður opið til kl. 21 á laugardagskvöldum og 19.30 á sunnudagskvöldum.

Betri heimaþjónusta en áður

Mon, 18 Jun 2018 09:22:00 +0000

Í byrjun mánaðarins var Sóleyju Sigdórsdóttur og Kristínu Ólafsdóttur, starfsmönnum í heimaþjónustu Akureyrarbæjar, veittur dálítill þakklætisvottur fyrir vel unnin störf en þær láta nú senn af störfum. Sóley hefur starfað í heimaþjónustunni í rúm 23 ár og Kristín í rúm 27 ár.

Auglýst eftir bæjarstjóra

Sun, 17 Jun 2018 22:10:00 +0000

Auglýst er eftir bæjarstjóra á Akureyri. Starf bæjarstjóra er fjölbreytt, krefjandi en um leið gefandi og viðburðarríkt. Leitað er að aðila sem er atorkusamur, metnaðarfullur og tilbúinn að leggja sig allan fram, býr yfir góðri reynslu og hefur einlægan áhuga á að ná árangi í starfi. Viðkomandi þarf að eiga góð samskipti fyrir hönd bæjarfélagsins og vera talsmaður þess í samskiptum við íbúa, fjölmiðla, viðskiptavini og opinbera stjórnsýslu.

Fræðsluráð afhendir viðurkenningar

Fri, 15 Jun 2018 12:10:00 +0000

Fimmtudaginn 14. júní boðaði fræðsluráð til samverustundar í Hofi – Hömrum, þar sem nemendum, kennurum og starfsfólki leik- og grunnskóla Akureyrarbæjar voru veittar viðurkenningar fyrir framúrskarandi árangur í störfum, skólaárið 2017-2018.

17. júní á Akureyri

Fri, 15 Jun 2018 09:31:00 +0000

Á sunnudag halda Íslendingar þjóðhátíðardag sinn hátíðlegan og stofnun lýðveldisins verður minnst með hátíðardagskrá í Lystigarðinum frá kl. 13-14. Dagskrá verður í miðbænum frá 14-16 og aftur frá kl. 20 til miðnættis.

Hver vill hundaskít?

Thu, 14 Jun 2018 10:22:00 +0000

Að gefnu tilefni er athygli vakin á því að samkvæmt 11. grein samþykktar Akureyrarbæjar um hundahald í bænum er hundaeigendum skylt að fjarlægja saur eftir hunda sína.

Virðum næði og öryggi annarra

Tue, 12 Jun 2018 15:02:00 +0000

Fulltrúar frá Aflinu, Akureyrarstofu, Bílaklúbbi Akureyrar, Umhverfismiðstöð Akureyrarbæjar, lögreglu og tjaldsvæðunum á Hömrum og Hrafnagili funduðu í dag um Bíladaga 2018 sem hefjast á fimmtudag og lýkur formlega með bílasýningu á þjóðhátíðardaginn 17. júní.

Málefnasamningur nýs meirihluta kynntur

Tue, 12 Jun 2018 11:47:00 +0000

Bæjarfulltrúar Framsóknarflokks, L-listans og Samfylkingarinnar hafa náð samkomulagi um meirihlutasamstarf í bæjarstjórn Akureyrar kjörtímabilið 2018-2022 og undirritað málefnasamning því til staðfestingar.

Ertu skapandi og vantar sumarstarf?

Tue, 12 Jun 2018 08:21:00 +0000

Akureyrarbær býður skapandi sumarvinnu fyrir 18-25 ára ungmenni í fimm vikur í sumar. Unnið er sjö tíma á dag virka daga, samtals 175 vinnustundir.