Talsvert tjón á mannvirkjum

Hús Sæbjargar í Grímsey. Mynd: Unnur Ingólfsdóttir.

Talsvert tjón hefur orðið í Grímsey í óveðrinu sem nú gengur yfir. Klæðning er fokin af húsi útgerðarinnar Sæbjargar að hluta, landgangur á flotbryggju við höfnina er fokinn út í veður og vind, og grindverk og girðingar hafa víða brotnað eða lagst niður í vindinum.

Það fer þó vel um fólk í eyjunni og það nýtur þess að hafa rafmagn enda gengur nýja díselstöðin eins og klukka og hefur strax sannað gildi sitt.